Sola i tua se taule'ale'a mai le quarantine i Samoa.

Na sola 'ese ma le nofoaga na faanofo'esea ai (quarantine) mo puipuiga o le KOVITI-19 se taule'ale'a na toe fo'i i Samoa mai Niu Sila.

Matafaga i Mulifanua. Source: SBS Samoan Program/Ioane Lafoa'i Ah Soon.

Na tu'ua e ia le nofoaga i Moamoa ma alu i se taxi i le taulaga i Apia. 

Na asiasi ai i le ofisa o le kamupani telefoni le Vodafone ma le kamupani a Ah Liki, ona aga'i ai lea e feiloa'i ma lona aiga i Vaitoloa.

Ua toe maua o ia ma ua faanofo'esea ai ma nisi na latou felata'i e 'ova i le to'a 70 e aofia ai tagata o lona aiga.