ST$2,000 le sala mo tagata malaga i Samoa e aunoa ma se mafua'aga tatau

Ua fautuaina e le Komiti mo Taimi o Fa'alavelave Fa'afuase'i i Samoa le mamalu o tagata Samoa o loo aumau i fafo, ina ia tolopo ni malaga o loo fuafua mo asiasiga i aiga i Samoa.

Agafili Shem Leo, ta'ita'ifono o le komiti o faalavelave faafuase'i i Samoa. Source: Flickr/Apple and Pear Australia Ltd CC BY 2.0

E ui o loo iai malaga a va'alele ua faatulagaina e le malo Samoa i le vaitaimi lenei o feagai le lalolagi ma puipuiga o le faama'i, na saunoa le ta'ita'ifono o le Komiti, Agafili Shem Leo, o malaga nei o loo fuafuaina na o tagata Samoa e toe fo'i atu e nonofo mau i Samoa.

E le aofia ai tagata o loo nonofo mau i atunu'u i fafo o loo fia asiasi atu i aiga i Samoa, pe auai fo'i i ni fa'alavelave.

O le faia o se tautoga sese ma pepelo i lalo o lenei aiaiga o le a pa'u iai le sala tupe e ST$2,000.00