Su'esu'ega faapitoa a se Komisi i le meli, le Ruby Princess.

O loo fepasia'i e le matagaluega o Home Affairs o loo gafa ma puipuiga o tua'oi ma le malo Setete i New South Wales tu'ua'iga o le sasi na mafai ai ona tau le Ruby Princess i le uafu i Sini, e ui na pesia nisi o le pasese ma le auva'a i le COVID-19.

NSW Premier Gladys Berejiklian speaks to the media during a press conference in Sydney, Tuesday, April 14, 2020. (AAP Image/Joel Carrett). Source: AAP

Ua 'ova i le to'a 700 tagata i Ausetalia, atoa ai ma nisi i Niu Sila ua faamaonia na pesia mai se tasi o le pasese a le Ruby Princess ina ua faatagaina ona tau i le uafi i Sini ma ta'ape lana pasese i vaega 'ese'ese o le atunu'u.

Ua taloina e le palemia Setete o New South Wales, Gladys Berejiklian se su'esu'ega faapitoa o loo ta'ita'ia e Brett Walker SC i le mafua'aga na mafai ai ona tau le meli i le uafu i Sini, ae poo ai tonu na faia le faai'uga.