Mai le toa fasefulufa o le au taalo a Samoa na malaga atu na o le lua pine a Samoa na ausia e aofia ai le Pine Auro a Seine Stowers e na o le sefuluvalu ona tausaga.O leisi pine o le siliva na maua e John Tafi i le aupaga 71kg a alii.Mo stowers na ia tatae'a ai foi ma le rekoti a le si'i malele (snatch) faapea le si'i ma malolo (clean & jerk) e ui na faaleaogaina e faamasino.O le maoae pea o le taumafai a le au siisii a Samoa i tauvaga a le lalolagi ua filifilia ai foi la latou Peresetene ia Tuaopepe Jerry Wallwork e avea ma Peresetene a le Commonwealth Weightlifting Federation i seisi mataia mo le Asosi Si'isi'i uamea mamafa a Samoa.
I nisi Tala mai Samoa ua molia e Leoleo nisi foi tagata i fualaau faasaina ma aofia ai nisi tagata Filipino.Ua molia foi e leoleo se tama matua e onosefuluono tausaga i le faalavelave na fana ma maliu ai se tasi i Vaitele Uta.Ua faaauau nei e le Samoa Rugby Football Union lea na tatala i le vaiaso talu ai galuega atinae i totonu o aoga lea sa faia e le Lakapi Samoa.O le vaiaso nei ua siitia ai le 30% o pasese o taxi ma pasi talu mai le 2014.
Share
