Talafou o Ausetalia 2025

O se aotelega lenei o talafou na lipotia i le polokalame SBS Samoan i lenei tausaga 2025.

A photo composite generated on Friday, July 4, 2025, shows (right) Erin Patterson in Melbourne, Tuesday, April 15, 2025, (top left) the exterior of the Leongatha home where Erin Patterson allegedly served up four death cap mushroom-laced beef wellingtons in July 2023, in Leongatha, Victoria, Tuesday, July 1, 2025, and (bottom left) a poisonous Death Cap Mushrooms in Melbourne, Wednesday, April 12, 2023. Source: AAP / JAMES ROSS, JOEL CARRETT/AAPIMAGE

O se tausaga na amata i le tetele o le vevela i nisi o vaega o Ausetalia, ae molimauina ai le tetele o lologa ma tafega i nisi o vaega e pei o Far North Queensland.

I se tasi o ripoti o talafou a le SBS:

This resident, Bruce, says this is the third time he has experienced a flood in Lismore.

"There is nothing left under the house. It's all gone. It's all been taken out. But upstairs, I still have lounges and carpet and kitchens up there that I couldn't get out. It's bloody tough, I tell you."

O fa’afitauli nei i le tetele o lologa ma tafega mai afā malolosi, na fa’aalia e le Climate Council i Ausetalia e mafua sa'o mai suiga i le tau.

Na ta'ua ai fo'i o nisi a'afiaga i tagata o le si’itaga i le tau o inisiua mai fa’alavelave faafusase'i, lea ua siitia i le $30 Billion mai le tulaga na iai i le 10 tausaga ua tuana'i.

I Vitoria o loo fa’aauau pea le sailiga o le alii o Dezi Freeman, le tagata lea na fanaina i le oti ni leoleo i le 'a'ai o Porepunkah i le masina o Aukuso o le tausaga nei.

O ia o se tasi e talitonu i le leai o se aiā a se faigamalo ma le fa’amasinoga i ona sa’olotoga poo se sovereign citizen, ma o loo iai pea se taui e $1 miliona mo ni fa’amatalaga e fesoasoani i le saisaia o ia - e oo mai i le taimi nei, o loo ta'aloa pea o ia i le vaomatua, pe a o ola pea.

Ae masalo o le mataupu i le fa’amasinoga na sili ona lipotia i lenei tausaga, e lē gata i Ausetalia nei ae o atunu’u i fafo, o le faamasinoga i Vitoria o le tinā ia Erin Patterson, lea na tu’ua'ia ma molia i le fasiotia o ni tagata se to'a 3 e aofia ai mātua o le tamaloa na la nonofo muamua, e auala i le fa'a-‘onanāina i se mea'ai na ia kukaina o le beef wellington e iai ma pa'u taliga poo mushrooms 'o'ona.

E lata i le 3 masina na fa’agasolo ai le fa’amasinoga i le 'a'ai o Morwell, na lipotia e le 'ova i le to'a 250 tusitala mai Ausetalia ma atunuu o le lalolagi.

I le Aso 8 o Setema o le tausaga nei, na aumai ai le faai'uga a le Faamasinoga Sili i Vitoria e le Afioga Justice Christopher Beale, na fa’amaonia uma ai moliaga o Erin Patterson, ma faasalaina ai o ia i le 33 tausaga i le falepuipui.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan