TALANOA - ma le Big 'O' Olsen Filipaina.

O se tasi o alo o Samoa na muamua asa le ala i le ta'aloga lakapi liki faa-polofesa pe avea ma ana galuega, o le ali'i o Olsen Filipaina.

Olsen Filipaina playing for Balmain. Source: Cultural Pulse/Patrick Skene.

I se tusi faato'a faasalalauina i le soifuaga o Olsen Filipaina, na tusia e Patrick Skene, o loo ta'ua ai le amataga o lona soifuaga mai Aukilani i Saute, soso'o ai ma lona taliaina o se Konekarate maile kalapu Lakapi Liki a le Balmain Tigers i Sini e ta'alo ai i le Liki a Ausetalia.

O se vaega o le tusi o loo faamatalaina ai e Olsen le faifai ma le faia e nisi o lafoga faailoga lanu ia te ia i le taimi faato'a taunu'u mai i Sini.