TALANOA - ma le Afioga Aupito William Sio.

I le tatou polokalame o le 'Talanoa' i lenei masina, o se talanoaga ma le Afioga Aupito William Sio, le minisita o mataupu i tagata Pasefika i le Kapeneta o le faigamalo i Aotearoa, o ia fo'i o le minisita lagolago o le matagaluega o le tulafono ma faamasinoga i Niu Sila.

Le Afioga Aupito William Sio (far left) ma le palemia Jacinda Adern ma nisi o sui o le vaega 'upufai a le Labour i Niu sila. Source: New Zealand Labour Party (supplied).

E aofia i mataupu o lenei talanoaga:

- tala'aga o le soifuaga o le Afioga Aupito William Sio i alaalafaga e tupuga mai ai, ma lona soifua a'oa'oina.

- galuega i le finauina o aia tatau a tagata faigaluega i faalapotopotoga a Iuni a tagata faigaluega i Niu Sila ma le PSA i Samoa.

- soifua tautua i 'upufai, amata mai i le pulega faaitumalo i Manukau lea na avea ai o ia ma Deputy Mayor, e o'o mai i le taimi nei ua avea ai o ia ma sui faipule mo le itumalo palota o Mangere, ma se sui minisita o le Kapeneta.

- fuafuaga a le faigamalo a le Labour i Niu Sila i le puipuia ma le faaitiitia o le pepesi o le COVID-19.

ma

- mafua'aga na ia lagolagoina ai teuteuga i le tulafono le Abortion Bill i Aotearoa.