Tanumia i le 'ele'ele - galuega lavea'i i Papua Niu Kini

E tusa ai ma fa'amatalaga mai fa'alapotopotoga a malo 'aufa'atasi, e lata i le 8,000 tagata o lo'o a'afia talu ona solo le 'ele'ele i se atumauga o Papua Niu Kini, ma le to'a 2,000 o lo'o masalomia le tanumia i le palapala.

A supplied image obtained on Tuesday, May 28, 2024 shows people working at the scene of a deadly landslide in the province of Enga, 600 kilometres north-west of Port Moresby, Papua New Guinea. (AAP Image/Supplied by the International Organization for Migration (IOM)) NO ARCHIVING, EDITORIAL USE ONLY Credit: INTERNATIONAL ORGANIZATION FOR MIGRATION (IOM)/PR IMAGE

O le fa'alavelave lenei na tupu i le vaveao o le Aso Faraile na te'a nei ina ua solo le 'ele'ele i se atumauga ma tanumia ai fale ma tagata i le nu'u o Yambali i lalo o le atu mauga.

O lo'o faigata le galuega lavea'i ona o lo'o fa'alogoina pea le solo ma malepe ai se ala laupapa e sao atu ai fesoasoani lavea'i i le nu'u.

Ma o lo'o iai ma popolega i le etela o tafega ma a'afia ai isi nu'u i lalo mai o Yambali i le vai ma le 'ele'ele.