Tatau ona palota tagata Samoa i atunu'u i fafo: Tui Atua Tupua Tamasese Efi.

Ua toe asia e le Afioga i le Tama-a-Aiga Tui Atua Tupua Tamasese Efi se tasi o ana mau na tuleia i tausaga ua mavae, i le tatau ona tu'uina le aia i tagata Samoa o loo aumau i atunu'u i fafo e palota ai i faigapalota mo le palemene o Samoa.

Tui Atua Tupua Tamasese Efi. Source: Talamua.com.

Na saunoa Tui Atua e faitau miliona tala e maua e le atunu'u mai le 'ai taumalele a tagata Samoa i fafo ma o loo manuia ai le malo.

O le alofa o le tagata Samoa i lona aiga ma lana tautua matavela e auala i lona lafoina atu o lana faasoa mai ona totogi ma tupe maua i atunuu i fafo, e tatau ona tauia i le alofa, ma o le aia tatau e palota ai i faiga filifiliga a le atunu'u, o se tasi lea o auala e faailoa ai e le malo le faatauaina o le tautua alofa a tagata Samoa i atunu'u i fafo.