O le paea'iga lona lua lenei talu ona toe tula'i mai Donald Trump i le tofi, ua molimauina ai le tele o ana faai'uga ua faitioina e isi atunuu o le lalolagi ma totonu lava o le lotoifale o Amerika.
E aofia ai le fa’amalosia o tiute i 'oloa poo tariffs i atunu’u uma o le lalolagi, le taofia o fesoasoani mo atunu’u vaivai le foreign aid, le to'esea o sao o Amerika i fa’alapotopotoga faavāomalo e pei o le World Health Organisation ma feagaiga i mata’upu i le si’osi’omaga ma suiga i le tau, atoa ai ma le tipiina o ‘au’aunaga ma galuega a le malo Amerika mo ona tagata.
O se tasi o fa'ai'uga a Donald Trump o loo molimauina le tete'e malosi iai o nisi, o le fa'avaeina lea o se fa'alapotopotoga e sa'ilia ma 'ave'esea fa'amalosi tagata o loo aumau i Amerika e aunoa ma ni visa fa'amaonia.
O le Immigration and Customs Enforcement (ICE) o loo tete'e malosi iai tagata i Minnesota talu ona fanaina i le oti e se tagata o le fa'alapotopotoga le tinā o Renne Good, o se tagatanu'u Amerika e iai sana fanau.
Ua fa’atonuina e le Pentagon fitafita e to'a 1,500 e sauni e auai i Minnesota e fa'afilemū le tete'e.
E faia nei tete'e o fa'amanatuina le 40 tausaga talu ona maliu le toa o le mau mo aiā tatau a tagata i Amerika, Dr Martin Luther King.
Na saunoa Ashley Ooman, o le ofisa o le Kovana, Tim Walz, ua tele a'aafiaga o tagata lautele i le setete talu ona 'auina atu iai e le peresitene le vaega o le ICE:
"Today, we also acknowledge lives taken too soon and tenderly hold space for families still in mourning. We're with you. When you hurt, we hurt. Your loved ones are our loved ones and you're not taking our neighbours away from us.” "
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
