Ua vala'au le vaega 'upufai a le Tautua Party i le palemia ma le faigamalo a le HRPP i Samoa ina ia faia nei se Komisi Su'esu'e e iloiloina pe na faatamala le malo i le puipuiga o le atunu'u mai le faama'i misela lea ua to'atele tagatanu'u o Samoa ua maliliu ai.
O se tasi o sui o le Tautua Party na lalamua i lenei vala'au, o le sui o Salega Levaopolo, Olo Fiti Va'ai. Na fesiligia e le sui o Salega le tala feagai o le faai'uga a le malo e taofia le faia o tui puipui o le fanau ina ua mae'a le faalavelave lea na tula'i mai i le falema'i faaitumalo i Safotu i Savai'i, ina ua maliliu ni tamaiti i le sese o le vaila'au na tui-ina iai e ni tamaita'i tausi ma'i.
Share
