Te'ena e Leausa Dr Take Naseri ripoti o se tagata ua maliu i le COVID19 i Samoa

E le o faamaonia i ni su'esu'ega o le mafua'aga o le maliu o se ali'i faato'a taliu atu i Samoa ma tausi puipuia mo le 14 aso ona o le KOVITI-19.

Le 'autusitala i Samoa. Source: SBS/Galumalemana Autagavaia Tipi.

I se feiloa'iga a le Faatonu Sili o le matagaluega o le soifua maloloina le Tofa Leausa Dr Take Naseri ma tusitala i Samoa, na ia faaalia ai e le moni ripoti ua salalau i le 'upega o feso'ota'iga o loo ta'ua ai o lenei ali'i ua maliu na pesia i le KOVITI-19.

E pei ona lipotia mai e Galumalemana Autagavaia Tipi mai Apia, o le ua maliu o se tagata na faigaluega faa-vaitau i Niu Sila ma na tausi puipuia (quarantine) i le nu'u o Poutasi faatasi ai ma nisi tagata faigaluega vaitau ina ua toe taunu'u atu i Samoa.