O loo malosi le vala'au mai nisi o tagata e lava le tomai i mataupu saienisi i faigamalo i le lalolagi e vave faatulaga polokalame e tali atu ai i faafitauli i fesuia'iga o le tau.
Ua 'ova i le sefulu tausaga o le mugala i Ausetalia, ua tele a'afiaga i le aufaifaato'aga, ae o nisi o 'a'ai ma alaalafaga o loo i se tulaga lamatia i le 'uti'uti o le suavai. O faafitauli nei o le a faasolo ina matua a'afia ai tagata ma meaola i le paneta i le lumana'i pe a leai se fuafuaga i le taimi nei e taofia ai le pua'ina o kasa 'o'ona i le si'osi'omaga.
Share
