Tofia Vui Clarence Nelson i le Faamasino Sili le tumau o Samoa.

Ua tofia Vui Clarence Nelson e tau'aveina le tofiga o le Faamasino Sili i Samoa ina ua mae'a le tautua a Tiavaasu'e Falefatu Sapolu lea ua litaea mai le tofi. E pei ona lipotia mai e Autagavaia mai Apia, na saunoa le palemia Tuilaepa Sailele Malielegaoi e le faanatinatia lana faai'uga i se tasi e sui tulaga ae o le a tau'aveina e Vui Clarence Nelson mo le taimi nei.

Vui Clarence Nelson Source: Samoa Observer

E le gata i le tofiga o le Faamasino Sili le tumau, o loo aofia fo'i i le ripoti a Autagavaia i lenei vaiaso le maliega i le va o le malo Samoa ma le alaalafaga o Ti'avea i le taui mo le faaogaina o fanua o nisi o aiga o le alaalafaga e fausia ai se malae vaalele fou.