Tumau pea le avea o feusua'iga itupa tutusa ma solitulafono i le tele o atunuu o le Taupulega.

Na faaalia le faanoanoa o le palemia o Peretania Theresa May i le sauaina pea o faafafine, lesbians ma isi itupa LGBTQI ona o tulafono na faavaeina i le taimi o faigamalo kolone a Peretania lea na avea ai ma solitulafono feusua'iga itupa tutusa.

Prime Minister Theresa May Source: Victoria Jones/PA Wire

E to'a 53 atunu'u o loo i le li'o o malo o le Taupulega, le Commonwealth, ma o le toatele sa i lalo o pulega kolone a Peretania.  O le to'a 37 o atunuu nei, ua leva ona maua malo tuto'atasi, ae o loo avea ai pea ma solitulafono feusua'iga itupa tutusa.  I Kenya o le faasalaga e 14 tausaga i le fale puipui.  O le tele o atunuu o le Pasefika ma Aferika o loo avea ai pea ma solitulafono feusua'iga itupa tutusa.  O le tausaga na te'a nei na pasia ai i Ausetalia le tulafono e aloa'ia ai faaipoipoga a itupa tutusa.