O le a usuia i Samoa le fonotaga lona 30 a malo 'aufaatasi i mataupu i faamanuiaga faavae o le fanau.
O se tasi o tamali'i Samoa ua loa tausaga o lalamua i le tuleiga o mataupu e aofia ai le puipuiga o le saogalemu ma le manuia o fanau i le lalolagi, le United Nations Conventions to the Rights of the Child, le Afioga Vui Clarence Nelson, ua ia mafaia ona avatu i Samoa le fonotaga lona 30 a malo aufaatasi i faamanuiaga faavae o le fanau.
O le taimi muamua lenei ua usuia ai lenei fonotaga taua i fafo mai o nofoaga o malo aufaatasi. Na saunoa fo'i le Afioga Vui Clarence, o le faauigaina sa'o o le Conventions for the Rights of the Child, o faamanuiaga faavae e 'ese mai i aia tatau a le fanau e pei ona lausilafia ai.
Share
