Faato'a maua se vaccine mo le coronavirus i le faai'uga o le tausaga.

Ua faaalia le popolega o le faalapotopotoga a le lalolagi e gafa ma mataupu i le soifua maloloina le WHO i le matuia o a'afiaga o atunu'u e vaivai le tamao'aiga pe a pesia i le COVID-19 le coronavirus.

Tedros Adhanom Ghebreyesus, Director General of the World Health Organization (WHO). Source: Keystone

I le taimi nei o loo toatele i totonu o le atunuu o Saina tagata ua pesia i le coronavirus, ma o le toatele fo'i o tagata ua maliliu ai, o tagatanu'u o Saina ae maise i le taulaga o Wuhan ma le itumalo o Hubei. Ae na saunoa se tasi o sui o le WHO, masalo poo Setema e aga'i atu i le faai'uga o le tausaga faato'a mafai ai ona faaoga se vaila'au puipuia se vaccine, pe a mae'a uma ona faia su'esu'ega ma faata'ita'i, ni trials.