Viia e Joe Biden puipuiga o le KOVITI-19 i Ausetalia.

I le talanoaga muamua a le palemia Scott Morrison ma le peresitene filifilia o Amerika, Joe Biden, na faaalia e le palemia na viia e Joe Biden fuafuaga a faigamalo Setete, Teritori ma le malo tele i Ausetalia nei i puipuiga o le pepesi o le KOVITI-19.

President-elect Joe Biden wavs as he leaves The Queen theater, Tuesday, Nov. 10, 2020, in Wilmington, Del. (AP Photo/Carolyn Kaster) Source: AP

Ua 'ova i le 2 vaiaso e leai se tasi ua pesia mo le taimi muamua, leai seisi na maliu mai le KOVITI-19 i Vitoria, faapena fo'i ona leai seisi na pesia i le 8 aso i New South Wales.

E faatusa lea i le faitau selau afe tagata o loo pesia i aso ta'itasi i Amerika ma atunu'u o Europa.

O loo iai popolega i le atili pepesi o le faama'i i Amerika pe a faa-auau ona taofiofi Donald Trump i le tofi peresitene ma le vave faia ni faatonuga faamalosia e taofia ai le pepesi o le KOVITI-19 i Amerika.