ඔස්ට්‍රේලියාවේ අඩක් පමණක් අලුත් වැඩියා කළ නිවෙසක් මිලට ගැනීමේදී සැලකිලිමත් විය යුතු කරුණු. (SBS සිංහල/වාර්තා)

අඩක් පමණක් අලුත් වැඩියා කළ නිවාස සම්පූර්ණයෙන් ඉදි කළ නිවාස වලට වඩා ලාභ දායී වන අතර සම්පූර්ණයෙන් ඉදි කළ නිවාස වලට වඩා ඒවායේ ප්‍රතිලාභ පවතින බවද State Custodians හි සාමාන්‍යධිකාරිනී Joanna Pretty පැවසුවාය.

What you should look for when buying a partially renovated house.

Source: Getty Images

ඔස්ට්‍රේලියාවේ නිවාස වෙළෙඳ පොළ නිරතුරුවම පාහේ සාකච්ඡාවට බදුන් වන ක්ෂේත්‍රයකි.

ඒ අතරින් නිවාස මිලදී ගැනීම් කෙරෙහි වැඩි අවධානයක් යොමු වේ.

නිවාස මිලට ගැනීමේදී අඩක් පමණක් අලුත් වැඩියා කළ නිවසක් මිලට ගැනීමට කොපමණ පිරිසක් කැමති වෙයිද?

මේ ගැටළුවට විසඳුම් සෙවීමට State Custodians ආයතනය විසින් සමීක්ෂණයක් ආරම්භ කරන ලදී.

එම සමීක්ෂණයේ දත්ත වලට අනුව 52% ක පමණ පිරිසක් නිවාස අලුත් වැඩියා කිරීමට හෝ අඩක් පමණක් අලුත් වැඩියා කළ නිවසක් මිලට ගැනීමට කැමැත්ත පළ කර තිබේ.

නමුත් සම්පූර්ණ කළ නිවසක් මිලට ගැනීමට 19% ක පිරිසක් කැමතිවී ඇත.

الاستراليون ينفقون مبلغًا قياسيًا قدره مليار دولار شهريًا على الترميمات والتجديدات المنزلية — الاستراليون ينفقون مبلغًا قياسيًا قدره مليار دولار شهريًا على الترميمات Source: Getty Images

අඩක් පමණක් ඉදි කළ නිවාස වල ඇති ප්‍රතිලාභ

අඩක් පමණක් අලුත් වැඩියා කළ නිවාස සම්පූර්ණයෙන් ඉදි කළ නිවාස වලට වඩා ලාභ දායී වන අතර සම්පූර්ණයෙන් ඉදි කළ නිවාස වලට වඩා ඒවායේ ප්‍රතිලාභ පවතින බවද State Custodians හි සාමාන්‍යධිකාරිනී Joanna Pretty, The Age පුවත් පතට පැවසුවාය.

ඇය පවසන අයුරින් පහත සඳහන් ප්‍රධාන ප්‍රතිලාභ, අඩක් පමණක් අලුත් වැඩියා කළ නිවාස වලින් ලබා ගත හැකිය.

විශාල ප්‍රමාණයේ අලුත් වැඩියා කිරීම් රහිතව නවීකරණ කටයුතු සිදු කළ හැකි වීම.
එනිසාම දැරීමට ඇති පිරි වැය සහ ශ්‍රමය අවම වීම.
තමන්ට අවශ්‍ය ආකාරයට අලුත් වැඩියා කටයුතු ඉතා පහසුවෙන් කරගත හැකි වීම.

අඩක් පමණක් අලුත් වැඩියා කළ නිවෙසක් මිලට ගැනීමේදී ඇති අවදානම්

සීමා සහිත මුදලක් ගැනුම්කරුවා සතු වීම.
අදාළ නිවසේ මූලික අංග මුළුමනින්ම හෝ 100% කට ආසන්න ලෙස හෝ සම්පූර්ණ කර නොතිබීම.
කෘමීන් පිළිබඳ පරීක්ෂාවක් නොකිරීම.
එතෙක් සිදු කරගෙන පැමිණි ආකෘතිමය නවීකරණ කටයුතු ගැනුම්කරුවාගේ කැමැත්තෙන් බොහෝ එපිටින් පිහිටීම.