මෙවර පොදු රාජ්ය මණ්ඩලීය ක්රීඩා උළෙලට සහභාගී වී සිටින ශ්රී ලංකා බර ඉසිලීමේ ක්රීඩක ක්රීඩිකාවන් මේ වන විට ශ්රී ලංකාවට ලෝකඩ පදක්කම් දෙකක් සහ එක් රිදී පදක්කමක් හිමි කරදෙන්නට සමත්වී තිබේ. ඒ අනුව සමස්ත පදක්කම් තුනක් සමගින් ශ්රී ලංකාව මේ වන විට පදක්කම් සටහනේ 21 වන ස්ථානයේ රැඳී සිටි.
පිරිමි කිලෝ ග්රෑම් 56 බර ඉසිලීමේ ඉසව්වෙන් ලෝකඩ පදක්කම හිමි කරදෙන්නට චතුරංග ලක්මාල් සමත් වූ අතර, කාන්තා කිලෝ ග්රෑම් 48 බර ඉසිලීමේ ඉසව්වෙන් ලෝකඩ පදක්කම හිමි කරගන්නට හංසනී ගෝමස් ක්රීඩිකාව සමත් විය. අනතුරුව පිරිමි කිලෝ ග්රෑම් 69 බර පංතිය යටතේ තරග බිමට පිවිසි ඉන්දික දිසානායක හට එම ඉසව්වේ රිදී පදක්කම හිමි විය.
2006දී චින්තන ලබා දුන් ආරම්භය ....
මෙවර බර ඉසිලීමේ තරග වල ශ්රී ලංකාවේ ඉහල පදක්කම් බලාපොරොත්තුවක් වූ චින්තන ගීතාල් විදානගේ පිරිමි කිලෝ ග්රෑම් 77 බර පංතිය යටතේ තරග වැදුණු අතර එහිදී ඔහුට හිමි වුයේ පස් වැනි ස්ථානයයි. 2006 වසරේ මෙල්බර්න් නුවරදී පැවති පොදු රාජ්ය මණ්ඩලීය ක්රීඩා උළෙලේදී පිරිමි කිලෝග්රෑම් 62 බර පංතියේ රන් පදක්කම හිමි කරගන්නට චින්තන සමත් වූ අතර පසුව 2010 නවදිල්ලි පොදු රාජ්ය මණ්ඩලීය ක්රීඩා උළෙලේ කිලෝග්රෑම් 69 බර පංතියේ රිදී පදක්කම් චින්තනට හිමි විය. එදා 2006 වසරේ චින්තන බර ඉසිලීමේ ක්රීඩාවෙන් පොදු රාජ්ය මණ්ඩලීය ක්රීඩා උළෙල තුල ආරම්භ කල රිද්මය අදටත් පොදු රාජ්ය මණ්ඩලීය ක්රීඩා උළෙල තුල පවත්වාගන්නට ශ්රී ලංකා බර ඉසිලීමේ ක්රීඩක ක්රීඩිකාවන් සමත් වීම ප්රසංශනීය කරුණක්. එමෙන්ම ශ්රී ලංකා බර ඉසිලීමේ ජාතික පුහුණු කරු R B වික්රමසිංහ මහතා ඇතුළු පුහුණු කරුවන්ගේ මෙහෙයද මෙහිදී විශේෂයෙන් සිහිපත් කල යුතුයි.
ස්කොෂ් ක්රීඩිකා මිහිලියා මෙත්සරනිගෙන් ඉහල දස්කම්
20 හැවිරිදි ස්කොෂ් ක්රීඩිකා මිහිලියා මෙත්සරනි මෙවර පොදු රාජ්ය මණ්ඩලීය ක්රීඩා උළෙලේ පළග අවසන් තරගය (Plate Finals ) දක්වා සුදුසුකම් ලබන්නට සමත් වූ අතර, පොදු රාජ්ය මණ්ඩලීය ක්රීඩා උළෙලකදී ශ්රී ලාංකික ස්කොෂ් ක්රීඩිකාවක් හෝ ක්රීඩකයෙක් දක්වා ඇති ඉහලම දක්ෂතාවය මෙය බවත් සදහන්. මිහිලියා මෙහිදී නවසීලන්තය, බාබඩෝස්, ගුයානා සහ කෙන්යා යන රටවල ක්රීඩිකාවන් පරාජයට පත් කරන්නට මෙහිදී සමත් වූ අතර, පළග අවසන් තරගයේදී බාබඩෝස් ක්රීඩිකා Meagan BESTහමුවේ 3-1ක් ලෙස පරාජයට පත් විය.
උසපැනීමේ ක්රීඩක මංජුල කුමාර අවසන් වටයට
මංජුල කුමාර උසපැනීමේ ඉසව්වේ මුලික වටයේ තරග වලට ඊයේ (අප්රේල් 09 දා ) සහභාගී වූ අතර එහිදී අවසන් වටය දක්වා සුදුසුකම් ලබන්නට ඔහු සමත් විය. හෙට (අප්රේල් 11 දා ) රාත්රී 08:05ට (බ්රිස්බේන් වේලාවෙන් ) උසපැනීමේ අවසන් වටය Carrara ක්රීඩාංගනයේදී පැවැත්වීමට නියමිතයි.
බොක්සිං ක්රීඩක ක්රීඩිකාවන්ගෙන් ඉහල දස්කම්
ශ්රී ලංකා බොක්සිං ක්රීඩිකා අනුෂා කොඩිතුවක්කු කාන්තා කිලෝග්රෑම් 45-48 බරපන්තියේ අවසන් පුර්ව වටයට සුදුසකම් ලබන්නට සමත් වූ අතර, එය ශ්රී ලංකා බොක්සිං ඉතිහාසයේ ලැබූ සුවිශේෂී ජයග්රහණයක්.
මේ අතර ශ්රී ලංකා බොක්සිං ක්රීඩක ඉෂාන් බණ්ඩාර ඊයේ (අප්රේල් 09 දා )දිනයේදී කිලෝග්රෑම් 52 බර පන්තියේ මුලික වටයේ තරගයකින් නාරු දේශයේ Yachen Cook පරාජය කරමින් අර්ධ අවසන් පුර්ව වටයට සුදුසුකම් ලබන්නට සමත් විය.
තවද ශ්රී ලංකා බොක්සිං ක්රීඩිකා කේෂානි හංසිකා කිලෝග්රෑම් 57 බර පංතියේ අර්ධ අවසන් පුර්ව වටය යටතේ අද (අප්රේල් 10 දා )නවසිලන්ත ක්රීඩිකා Alexis Pritchard සමග තරග වැදීමට නියමිතයි.
මීට අමතරව තිවංක රණසිංහ පිරිමි කිලෝග්රෑම් 46-49kg බර පන්තියේ අර්ධ අවසන් පුර්ව තරගයකට අද (අප්රේල් 10 දා )මුහුණ දීමට නියමිත අතර, දනිදු විදානලගේද පිරිමි කිලෝග්රෑම් 64 බර පංතියේ අර්ධ අවසන් පුර්ව තරගයකට අද (අප්රේල් 10 දා )මුහුණ දීමට නියමිතයි.
බොක්සිං ක්රීඩිකා දුලානි ජයසිංහ කිලෝග්රෑම් 51 බර පංතිය අර්ධ අවසන් පුර්ව වටය යටතේ හෙට (අප්රේල් 11 දා ) කෙන්යානු ක්රීඩිකාවක් සමගින් තරග වැදීමට නියමිත අතර, ඉෂාන් බණ්ඩාර කිලෝග්රෑම් 52 බර පන්තියේ අර්ධ අවසන් පුර්ව වටය යටතේ ලෙසතෝ ක්රීඩකයෙකු සමගින් තරග වැදීමට නියමිතව තිබේ.
