කොරෝනා වෛරසය හේතුවෙන් ඔස්ට්රේලියන් කැපිටල් ටෙරටරියෙහි අගනුවර වන කැන්බරා හි සිදුවුණු පළමු මරණය අද දිනයේ (30 March) මීට සුළු වෙලාවකට පෙර වාර්තා විය. විදේශයකදී කොරෝනා වෛරසය වැළඳුනු 80 හැවිරිදි කාන්තාවක් මෙලෙස මියගොස් තිබේ.
"මෙම රෝගයේ ඉතාමත් කනගාටුදායක යථාර්ථය මෙයයි. COVID-19 හේතුවෙන් වැඩිහිටියන්ට සංකූලතා ඇතිවීමේ වැඩි අවදානමක් පවතින බව" ACT ප්රධාන සෞඛ්ය වෛද්ය නිලධාරී කෙරින් කෝල්මන් පැවසීය.
ඔස්ට්රේලියන් කැපිටල් ටෙරටරියෙහි පසුගිය පැය 24 තුළ එක් කොරෝනා වයිරස් අසාදිතයෙක් අලුතෙන් වාර්තා වී ඇති අතර, ඒ අනුව ටෙරටරියේ දැනට වාර්තාවන කොරෝනා වෛරස අසාදිතයින්ගේ මුළු ගණන 78 ක් බවට පත්වෙයි.
ඒ අනුව අද - මාර්තු 30 වන සඳුදා ඔස්ට්රේලියානු නැගෙනහිර දිවා සම්මත වේලාවෙන් වේලාවෙන් පස්වරු 2 වන විට Covid -19 හේතුවෙන් මියගිය පුද්ගල සංඛ්යාව 18 කි. සමස්ත කොරෝනා වෛරස අසාදිත සංඛ්යාව 4,112 ක් ලෙසට සටහන් වෙයි.
