මෙම සතියේ නව රජයේ පාර්ලිමේන්තුව තුළ පළමු ව්‍යාපාරික නියෝගය වූයේ Jobs and Skills Australia ආයතනය නිර්මාණය කිරීමේ නීති හඳුන්වා දීමය.
ශ්‍රම බලකාය පුහුණු කරන ආකාරය සහ ආර්ථිකය පීඩාවට පත් කරන පුහුණු ශ්‍රමිකයින්ගේ හිඟය නිරාකරණය කරන්නේ කෙසේද යන්න පිළිබඳව රජයට උපදෙස් දීමට මෙම නව ආයතනය පිහිටුවයි.
Highlights
- ඔස්ට්‍රේලියාවේ ශ්‍රම බලකාය පුහුණු කිරීමේදී සහ පුහුණු ශ්‍රමිකයින්ගේ හිඟය නිරාකරණය කිරීම පිළිබඳව රජයට උපදෙස් දීමට මෙම නව ආයතනයක් පිහිටුවයි.
- එය Jobs and Skills Australia ආයතනය නම් වේ.
- Aged care, disability care සහ childcare වැනි ක්ෂේත්‍රවල රැකියා කිරීමට හැකි පුහුණු ශ්‍රමිකයින්ගේ හිඟය විශේෂයෙන් ගැටලුකාරී තත්ත්වයක් ඇති කර ඇත.
Jobs and Skills Australia ආයතනය සහ කාර්යභාරය
Jobs and Skills Australia ආයතනයට ප්‍රාන්ත සහ ටෙරිටරි රජයන්, වෘත්තීය සමිති සහ පුහුණුව සපයන්නන් සමඟ සහයෝගයෙන් කටයුතු කිරීම සඳහා අමතර අවධානයක් යොමු කරමින් එය ප්‍රතිස්ථාපනය කරන ජාතික නිපුණතා කොමිසමට වඩා පුළුල් කාර්යභාරයක් ඇත.
මෙය නිපුණතා සහ පුහුණු අමාත්‍ය Brendan O’Connor විසින් අධ්‍යක්ෂවරයා පත් කරනු ලබන ස්වාධීන ආයතනයකි.
ශ්‍රම වෙළඳපොළ, කුසලතා සහ වෘත්තීය අධ්‍යාපන හා පුහුණු (VET) වැඩසටහන්වල ගුණාත්මකභාවය පිළිබඳව රජයට උපදෙස් ලබා දීමේ එහි ප්‍රධාන කාර්යයට අදාළ කාර්යයන් හයක් එයට ඇත.
Jobs and Skills Australia ආයතනය වත්මන් සහ නැගී එන කර්මාන්තවල රැකියා පිළිබඳ අධ්‍යයනයන් සකස් කිරීම, පවතින සහ අනාගත ශ්‍රම බලකාය තක්සේරු කිරීම සහ පුරෝකථනය කිරීම මෙන්ම පුහුණු ආයතන සඳහා අරමුදල් සපයන ආකාරය දෙස සමීපව නිරීක්ෂණය කිරීමෙන් මෙය සිදු කරනු ඇත.
ගාස්තු රහිත TAFE අධ්‍යාපනය ලැබීමට අවස්ථා 450,000ක් නිර්මාණය කරන බවට වූ මැතිවරණ පොරොන්දුව මත කම්කරු පක්ෂයේ නව රජය වෘත්තීය අධ්‍යාපන හා පුහුණු වැඩසටහන් වෙත දැඩි ලෙස නැඹුරු වීම සාමාන්‍ය දෙයකි.
Source: Getty Images/James Braund
ඔස්ට්‍රේලියානු සේවා යෝජකයන් මුහුණ දෙන විශාලතම අභියෝග
ඔස්ට්‍රේලියානු සේවා යෝජකයන් මුහුණ දෙන විශාලතම අභියෝග අතරට පුහුණු ශ්‍රමිකයින්ගේ හිඟය සලකන බව අද දිනයේදී නිපුණතා සහ පුහුණු අමාත්‍ය Brendan O’Connor සිය පාර්ලිමේන්තු කතාවේදී පැවසීය.
“වසංගතය මගින්පුහුණු ශ්‍රමිකයින්ගේ හිඟය වඩාත් අයහපත් අතට හැරී තිබෙනවා, විශේෂයෙන් පුහුණු ශ්‍රමිකයින්ගේ සංක්‍රමණය අඩුවීම සහ COVID අගුලු දැමීම් අතරතුර තාවකාලික සංක්‍රමණික සේවකයින්ට රජය විසින් සහය ලබා නොදීම සමග මේ තත්ත්වය උදාවුණා.” යනුවෙන් ඔහු පැවසීය.
රැකියා පුරප්පාඩු පිරවීමට නොහැකි වූ ව්‍යාපාර සංඛ්‍යාව ඉහළ යමින් පවතින අතර ආර්ථික වර්ධනය අඩාල කිරීමට එය ඉවහල් විය හැකි බව ද අමාත්‍ය Brendan O’Connor පැවසීය.
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Radio App: App Store හෝ Google Play වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
මෙම ගැටලුවට ඇති විසඳුමේ එක් කොටසක් ලෙස ගොඩ ගැසී ඇති සලකා නොබැලූ වීසා අයදුම්පත්වලින් පුහුණු ශ්‍රමිකයින්ගේ වීසා අයදුම්පත් ලක්ෂ 6 ක් පමණ ඉක්මණින් සලකා බලා අවසන් කරන ලෙසට මධ්‍යම රජය අදාළ බලධාරීන්ට නියෝග කර තිබේ.
Aged care, disability care සහ childcare වැනි ක්ෂේත්‍රවල රැකියා කිරීමට හැකි පුහුණු ශ්‍රමිකයින්ගේ හිඟය ඔස්ට්‍රේලියානු ව්‍යාපාරවලට විශේෂයෙන් ගැටලුකාරී තත්ත්වයක් ඇති කර ඇති බව අමාත්‍ය Brendan O’Connor ප්‍රකාශ කළේය.
ඒ අතරේ Jobs and Skills Australia ආයතනය හරහා ඔස්ට්‍රේලියාවේ තාක්ෂණික ක්ෂේත්‍රයටත් ප්‍රතිලාභ ලැබෙනු ඇතැයි ඔහු අපේක්ෂා කරයි.
Advanced manufacturing, තාක්ෂණික සහ පිරිසිදු බලශක්තිය වැනි ඔස්ට්‍රේලියාවේ නැගී එන කර්මාන්ත ක්ෂේත්‍රවල සේවය කිරීමට අවශ්‍ය තාක්ෂණික ඥානය ඇති පුහුණුව ඇති පිරිසක් ඉදිරියේදී අවශ්‍ය බවද ඔහු අවධාරණය කළේය.
