This article is more than 3 years old
ඔස්ට්‍රේලියාවේ වයස 5 සිට 11 දක්වා ළමුන් සඳහා කොවිඩ් එන්නත ලබාදීම සම්බන්ධව දැනගත යුතු දේ (SBS සිංහල/ වාර්තා)
වයස අවුරුදු 5 ත් 11 ත් අතර ඔස්ට්‍රේලියාවේ ළමුන් හට ජනවාරි 10 වන දා සිට Pfizer කොවිඩ් එන්නත ලබාදීම ආරම්භ කරන බව ඔස්ට්‍රේලියානු මධ්‍යම රජය පවසයි.
Published
Updated
By Akash Arora, Madhura Seneviratne
Source: SBS News
Image: An 11-year-old receives a Pfizer vaccine in Hadera, Israel. (Getty)
ඔස්ට්‍රේලියාවේ වයස අවුරුදු 5 ත් 11 ත් අතර ළමුන් හට Pfizer එන්නත ලබාදීමට ඔස්ට්‍රේලියානු ඖෂධ හා චිකිත්සක නියාමන අධිකාරිය විසින් තාවකාලික අනුමැතිය පසුගිය ඉරිදා (05/12) ලබා දෙන ලදී.
වයස අවුරුදු 12 සහ ඊට වැඩි ළමුන් සඳහා කොවිඩ් එන්නත ලබා දීම ඔස්ට්‍රේලියානු ඖෂධ හා චිකිත්සක නියාමන අධිකාරිය විසින් අනුමත කරනු ලැබුවේ පසුගිය ජූලි 22 වනදාය.
මෙලෙස ඔස්ට්‍රේලියාවේ ළමුන් හට කොවිඩ් එන්නත ලබා දීම සම්බන්ධයෙන් ඔබ දැනගත යුතු වැදගත් කරුණු මෙම ලිපියෙන් ඉදිරිපත් කෙරේ.
Highlights
- ඔස්ට්‍රේලියානු ඖෂධ හා චිකිත්සක නියාමන අධිකාරිය විසින් අවුරුදු 5 ත් 11 ත් අතර වයස් ඛාණ්ඩයේ දරුවන් සඳහා Pfizer එන්නත අනුමත කර ඇත.
- නමුත් ඔවුන් හට කොවිඩ් එන්නත ලබාදීම ආරම්භ කිරීමේ දිනය ප්‍රතිශක්තීකරණය පිළිබඳ ඔස්ට්‍රේලියානු තාක්ෂණික උපදේශක කණ්ඩායමේ අවසන් අනුමැතිය මත සිදුවේ.
- අවුරුදු පහේ සිට 11 දක්වා ළමුන් සඳහා කොවිඩ් එන්නතේ මයික්‍රොග්‍රෑම් 10 ක මාත්‍රාවක් ලබා දෙනු ඇත.
දරුවාට කොවිඩ් එන්නත ලබාගත හැක්කේ කෙදිනද?
වයස අවුරුදු 5 ත් 11 ත් අතර ඔස්ට්‍රේලියාවේ ළමුන් හට ජනවාරි 10 වන දා සිට Pfizer කොවිඩ් එන්නත ලබාදීම ආරම්භ කරන බව ඔස්ට්‍රේලියානු මධ්‍යම රජය පවසයි.
ඔස්ට්‍රේලියාවේ එන්නත්කරණ ක්‍රියාවලිය පියවර දෙකකින් සමන්විත වන අතර ඉහත වයස් ඛාණ්ඩයට අයත් දරුවන් සඳහා කොවිඩ් එන්නත ලබාදීම නිශ්චිතව සිදු කිරීම සම්බන්ධයෙන් අවසන් තීරණය ඔස්ට්‍රේලියානු තාක්ෂණික උපදේශක කණ්ඩායම (ATAGI) සතුව දැන් පවතී.
මෙම ලිපිය SBS සිංහල සේවය මඟින් සම්පාදනය කරන ලද ලිපියකි. මෙහි ඇති තොරතුරු ලබා ගැනීමේදී හෝ පිටපත් කරගැනීමේදී SBS සිංහල සේවය වෙතින් උපුටා ගත් බවට සඳහන් කිරීම මඟින් කර්තෘ හිමිකාරීත්වය ලබාදීමට කාරුණික වන්න.
ATAGI විසින් ඉහත වයස් ඛාණ්ඩය සඳහා කොවිඩ් එන්නතෙහි යෝග්‍යතාවය තවදුරටත් තක්සේරු කරනු ඇත.
ඉන් අනතුරුව කොවිඩ් එන්නත සියලුම දරුවන්ට එකවර ලබා දිය යුතුද නැතිනම් ප්‍රතිශක්තිකරණය අඩු දරුවන්ට පමණක් ආරම්භ කළ යුතුද යන්න ඔවුන් උපදෙස් දෙනු ඇත.
මාත්‍රා දෙක අතර කාලසීමාව ඇතුළු අදාළ කොවිඩ් එන්නත ලබා දිය යුතු ආකාරය පිළිබඳව ද ඔවුන් උපදෙස් දෙනු ඇත.
A health worker prepares to vaccinate a girl at the Sanford Civic Center in the US. Source: LightRocket/Getty Images
ළමුන් සඳහා නිර්දේශිත මාත්‍රාව කුමක්ද?
ළමුන් සඳහා නිර්දේශිත කොවිඩ් එන්නතේ මාත්‍රාව වැඩිහිටියන්ට ලබා දෙන මාත්‍රාවට වඩා වෙනස් වේ.
අවුරුදු පහේ සිට 11 දක්වා ළමුන් සඳහා මයික්‍රොග්‍රෑම් 10 ක මාත්‍රාවක් ලබා දෙනු ඇත.
වයස අවුරුදු 12 හෝ ඊට වැඩි ළමුන් සඳහා එය මයික්‍රොග්‍රෑම් 30 කි.
වයස අවුරුදු පහේ සිට 11 දක්වා ළමුන්ට එන්නත් කිරීම සඳහා තැඹිලි පැහැති ආවරණයක් සහිත එන්නත් කුප්පි භාවිතා කරනු ලැබේ.
නමුත් වැඩිහිටි වයස් ඛාණ්ඩ සඳහා භාවිතා කරනුයේ අළු හෝ දම් පැහැති ආවරණයක් සහිත එන්නත් කුප්පිවේ.
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Radio App: App Store හෝ Google Play වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
ළමුන්ට කොවිඩ් එන්නත ලබාදෙන්නේ ඇයි?
ළමුන්ට දරුණු ලෙස කොවිඩ් රෝග වැළඳීමේ අවදානම අඩුය.
කොවිඩ් වයිරසය වැළඳෙන කුඩා දරුවන්ගෙන් සුළු ප්‍රතිශතයක් දරුණු ලෙස රෝගාතුර විය හැකි අතර, එය රෝහල් ගතවීම් හා මරණයට හේතු විය හැකිය.
පසුගිය මාර්තු සහ ඔක්තෝබර් මාස අතර ඇමෙරිකා එක්සත් ජනපදයේ වයස අවුරුදු පහේ සිට 11 දක්වා ළමුන් මිලියන 1.9 කට වැඩි පිරිසක් COVID-19 සඳහා ධනාත්මක බවට තහවුරු විය.
එහිදී 8,300 කට වැඩි පිරිසක් රෝහල් ගත කර ඇති අතර මරණ 94 ක් සිදු විය.
යුරෝපා සංගමය, කැනඩාව සහ ඊශ්‍රායලය ද කුඩා දරුවන් සඳහා Pfizer එන්නත ලබාදීම අනුමත කර ඇත.
ඇමෙරිකා එක්සත් ජනපදයේ වයස අවුරුදු 5 සිට 11 දක්වා ළමුන්ගෙන් සියයට 10 ක් පමණ දැනටමත් ඔවුන්ගේ පළමු මාත්‍රාව ලබාගෙන තිබේ.
ඔස්ට්‍රේලියාවේ කොවිඩ් රෝගීන්ගෙන් පහෙන් එකක් පමණ වයස අවුරුදු 12 ට අඩු අය බව සිඩ්නි විශ්ව විද්‍යාලයේ වසංගත රෝග විද්‍යාව පිළිබඳ මහාචාර්යවරියක් වන Alexandra Martiniuk පැවසුවාය.
මෙම වයස් ඛාණ්ඩය ඇතැම් විට මාරාන්තික MIS-C inflammatory සින්ඩ්‍රෝමය සඳහා ගොදුරු වේ, එය කොවිඩ් ආසාදනයට මග පාදයි.
එනිසා මෙවැනි අවදානම්වලින් මිදීමට මෙම වයස් ඛාණ්ඩවල දරුවන්ට කොවිඩ් එන්නත ලබාදීම සුදුසු බව මහාචාර්ය Martiniuk පැවසුවාය.
People queue at a Covid-19 vaccination centre in Melbourne Source: AFP
දරුවන්ට කොවිඩ් එන්නත් ලබා දීමෙන් යම් අවදානමක් ලැබේද?
ඔස්ට්‍රේලියාවේ කුඩා දරුවන්ට කොවිඩ් එන්නත ලබාදීම සඳහා අනුමැතිය ලබාදීමට පෙර ඇමෙරිකා එක්සත් ජනපදය, ෆින්ලන්තය, පෝලන්තය සහ ස්පාඤ්ඤය ඇතුළු රටවල සායනික අත්හදා බැලීම්වල දත්ත ඔස්ට්‍රේලියානු ඖෂධ සහ චිකිත්සක නියාමන අධිකාරිය විසින් සියුම්ව පරීක්ෂාවට ලක් කර තිබේ.
අත්හදා බැලීම් වලදී බහුලව දක්නට ලැබෙන අහිතකර ප්‍රතික්‍රියා වූයේ එන්නත් කරන ස්ථානයේ වේදනාව, රතු පැහැය සහ ඉදිමීම, තෙහෙට්ටුව, හිසරදය, මාංශ පේශි වේදනාව සහ සීතල දැනීම බව වාර්තා වේ.
මේවා නව යොවුන් වියේ සහ වැඩිහිටියන් අතර ද කොවිඩ් එන්නත ගත් පසු දක්නට ලැබෙන අතුරු ආබාධ බවත් ඒවා සාමාන්‍යයෙන් ඉතා මෘදු අතුරු ආබාධ බවත් මහාචාර්ය Martiniuk පැවසුවාය.
මේ අතර ඇමෙරිකා එක්සත් ජනපදයේ මිලියන සංඛ්‍යාත ළමුන්ට දැනටමත් කොවිඩ් එන්නතේ මාත්‍රා දෙකක් ලබා දී ඇති බවත් ආරක්ෂිත නිරීක්ෂණ මගින් එය ආරක්ෂිත බව සටහන් කර ගැනීම වැදගත් බවත් Murdoch ළමා පර්යේෂණ ආයතනයේ මහාචාර්ය Fiona Russell සඳහන් කළාය.
"මෙම එන්නත සායනික පරීක්ෂණයකදී හොඳින් පරීක්ෂා කර ඇති බවත්, හොඳ ප්‍රතිශක්තිකරණ ප්‍රතිචාරයක් ඇති කරන බවත්, SARS-CoV-2 ආසාදනයට එරෙහිව ඉතා ඵලදායී වන බවත් සොයාගෙන තිබෙනවා." යනුවෙන් ද මහාචාර්ය Fiona Russell පැහැදිලි කළාය.
Myocarditis (හෘද පේශිවල ඇවිලීම) සහ pericarditis (හදවත අවට පටක ඉදිමීම සහ ඉරී යාම) මෙම කොවිඩ් එන්නතෙහි අතිශය දුර්ලභ අතුරු ආබාධ දෙකකි.
ඇමෙරිකා එක්සත් ජනපදයේ, වයස අවුරුදු 12-15 අතර වයස් ඛාණ්ඩයේ පිරිමි ළමුන් මිලියනයකින් 200 ට අඩු සහ ගැහැණු ළමුන් මිලියනයකින් 30 ට අඩු සංඛ්‍යාවක Myocarditis වර්ධනය වන බව වාර්තා විය.
Omicron වලට එරෙහිව කොවිඩ් එන්නත ඵලදායීද?
ලෝක සෞඛ්‍ය සංවිධානය විසින් සැලකිලිමත් වන COVID-19 ප්‍රභේදයක් ලෙස නම් කර ඇති Omicron හි අභ්‍යන්තර සහ බාහිර තොරතුරු සොයා ගැනීමට ලොව පුරා සිටින විද්‍යාඥයින් සහ සෞඛ්‍ය විශේෂඥයින් මේ වන විට දැඩි වෙහෙසක් ගනිමින් සිටියි.
ඩෙල්ටා වැනි අනෙකුත් කොවිඩ් ප්‍රභේදවලට වඩා Omicron ප්‍රභේදය සම්ප්‍රේෂණය විය හැකි නමුත් එතරම් භයානක නොවන බව ඇමෙරිකාවේ මූලික වාර්තා පෙන්වා දෙයි.
කොවිඩ් එන්නත් වල කාර්යක්ෂමතාවය පිළිබඳව අප සතුව තවමත් දත්ත නොමැති නමුත් එන්නත්වල යම් කාර්යක්ෂමතාවයක් ඇති බවට ඉතා හොඳ හැඟීමක් ඇති බව මහාචාර්ය Martiniuk පැවසුවාය.
Share
Listen to our podcasts
Independent news and stories connecting you to life in Australia and Sinhala-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.
Watch on SBS
SBS World News
Take a global view with Australia's most comprehensive world news service
