Méxiku, hanesan mos uma nain ba jogu Taxa Mundial 2026, avansa ba Jornada 16, enkuantu avansadu superestrela, Erling Haaland no Kylian Mbappé ida-idak marka golu rua hodi lori Noruega no Fransa liu ba faze tuir mai
Loron 20 hosi Tasa Mundiál FIFA nian hahú ho konfrontu dramátiku ida iha Jornada 32 nian iha Dallas, iha ne'ebé Noruega halakon Côte d'Ivoire ho 2-1 tanba vensedór tarde ida hosi Erling Haaland.
Antonio Nusa fó vantajen ba Noruega antes intervalu, Kosta Marfim halo empata hafoin deskansa, maibé Haaland nia atake tarde asegura vitória eliminatória dahuluk iha Tasa Mundiál Noruega nian dezde 1998.
Noruega agora avansa hodi hasoru kampeaun dala lima Brazil iha Jornada 16.
Iha New Jersey, Fransa hetan nia fatin iha Jornada 16 ho vitória 3-0 hasoru Suésia, tanba kapitaun Kylian Mbappé marka golu dala rua.
Hafoin domina tiha parte dahuluk, Fransa ikusmai hakat liu antes deskansa, ho Mbappé marka nia golu eliminatóriu ba dala neen iha Tasa Mundiál - barak liu hosi jogadór sira iha istória torneiu nian.
Fransa aumenta tan golu ida hafoin jogu segundu parte hosi Mbappé hatama ne'ebe golu ida hodi hametin Fransa nia vantajen iha korrida Sapatu Osan-Mean* nian. (*markadór di'ak liu iha torneiu)
Fransa sei hasoru Paraguai, ne'ebé halo ema barak hakfodak bainhira sira manan hasoru Alemaña.
Hafoin udan boot ne'ebé atraza jogu hahú oras ida, ko-anfitriaun Méxiku hasoru Ekuadór.
Ho apoiu hosi adeptu uma nian liu 80,000, Méxiku domina hosi inísiu, marka golu dala rua iha primeira parte.
Julián Quiñones no Raúl Jiménez hatama golu bainhira Méxiku reklama vitória ho 2-0 - ne'ebe sai hanesan sira nia vitória dahuluk iha tinan 40 nia laran.
Rezultadu ne'e mós aumenta Méxiku nia inviktu ba jogu 12. Sira sei hasoru manan-na'in hosi Inglaterra no RD Kongo iha Jornada 16.
Socceroos to'o ona iha Dallas antes enkontru semana ida-ne'e nian iha Ronda 32 ho Ejiptu, ho Austrália buka nia vitória dahuluk iha Tasa Mundiál FIFA nian hafoin lakon ho Itália iha tinan 2006 no eventuál kampeaun Arjentina iha 2022.
Médiu Ajdin Hrustic [[ HROO-stich ]] hatete katak ekipa foti ona lisaun sira ne'ebé iha valór hosi sira nia lakon 2-0 hasoru Estadus Unidus no prontu ba dezafiu ne'ebé sei mai.
Hrustic " Hau hanoin katak ami prontu atu hasporu ona n o bele joga. Ida ne'e parte ida hosi jogu maske iha dezafiu importante atu ami anima mos iha jogu nee"
Socceroos sei hasoru Ejiptu iha loron-sábadu dadeer ho transmisaun direta hahú hosi tuku 3 dadeer iha SBS no SBS On Demand.
Kinta-feira mai, Loron 21 hosi Tasa Mundiál FIFA nian.
Inglaterra sei hasoru RD Kongo, enkuantu Béljika hasoru Senegal hafoin liu faze grupu nian hanesan ekipa ida ne'ebé di'ak liu iha terseiru lugar.
No nasaun uma-na'in Estadus Unidus hasoru Bósnia no Herzegovina.
Ita-boot rona hela Atualizasaun Loron-loron Tasa Mundiál nian ba Loron 20 hosi torneiu. Ho Hau Cristina Benedek.
Asiste kada minutu husi Tasa Mundiál FIFA 2026TM diretu no gratuita iha SBS no SBS On Demand.
