Oinsá atu hari'i ita nia negósiu ida hosi uma iha Austrália

Hanoin atu hahú negósiu ida husi uma? Credit: MoMo Productions/Getty Images

SBS Tetum

View Podcast Series

Follow and Subscribe

Download the SBS Audio appAvailable on iOS and Android

Ita-boot hatene katak ema sira ne'ebé oferese servisu táxi sira husi uma presiza rejista ba Impostu ba sasan no servisu ou ka iha Ingles, Goods and Services Tax (GST)? Ida ne'e la haree ba osan hira mak sira hetan, ou ka katak instrutór fitness ida presiza aprovasaun hosi konsellu lokál atu vizita ka servisu ho sira nia kliente sira iha uma? Iha epizódiu ida-ne'e, ami sei koalia kona-ba regra báziku sira ne'ebé ema presiza hatene bainhira harii sira nia negósiu ida husi uma iha Austrália.

Pontu Chave Sira

Enkuantu maioria na'in ba negósiu uma nian rejista hanesan negosiante úniku, estrutura empreza ida—maske karun liu—bele sai di'ak liu ba negósiu sira ho risku aas liu.
Verifika ho ita-boot nia konsellu lokál ba aprovasaun ruma ne'ebé presiza, no se ita-boot aluga, asegura atu hetan uluk lisensa husi ita-boot nia uma-na'in.
Negósiu ruma ne'ebé envolve labarik ka ai-han sujeita ba rekizitu lisensiamentu adisionál no regulamentu seguransa ne'ebé rigorozu.

Hala'o negósiu ida husi uma mai ho vantajen barak, hanesan fleksibilidade no kustu jerál ne'ebé maka ki'ik.

Maibé maski ema halao sira nia negoisu ne'e husi uma hanesan loke loja iha uma oin, fa'an hahan, ka fatin seluk, negósiu hotu-hotu presiza halo tuir regulamentu sira ne'ebe maka iha — regulamentu balun luan tebes no balun seluk espesífiku ba ita-boot nia indústria ka área lokál.

Komisária Asistente Gabinete Impostu Australianu (ATO) Angela Allen esplika “Negósiu ida ne'ebé halao iha uma, normalmente ida ne'ebé ita-boot iha área ida hosi ita-boot nia uma ne'ebé tau iha sorin ne'ebé uza eskluzivamente hanesan fatin negósiu nian,"

“"Ezemplu di'ak tebes ida kona-ba negósiu uma-laran maka loke salon iha ita-boot nia uma."

Se ita-boot la iha serteza se ita-boot nia atividade sira konta hanesan negósiu ba objetivu impostu nian, ita-boot bele verifika hodi vizita ATO's website.

Obrigasaun impostu no rejistu ba negosiu nian

Negósiu ida-idak mai ho obrigasaun fiskál no rejistu sira, no ida ne'e haree ba ita-boot nia indústria.

Atu negoisu ne'e halao iha uma ka lae, ita-boot sei presiza Númeru Arkivu Impostu. Tax file number (TFN) ho Númeru Negósiu Australia, Australia Business Number (ABN). Rua ne'e gratuita atu hetan no bele aplika online.

Sra. Allen hatete "Depende ba rendementu ne'ebe maka ita-boot hetan, ita-boot nia negósiu ki'ik nia medida no se ita-boot iha funsionáriu sira, ita-boot mós presiza rejista ba obrigasaun sira seluk husi ATO nian hanesan GST (Goods and tax Services) Pay as you go withholding (PAYG), no impostu ba benefísiu sira".

GST aplika ba negósiu lori karreta no táxi no negosiu saida deit maka hahu husi uma. Credit: gahsoon/Getty Images

Hili estrutura ne'ebé loos ba ita-boot nia negósiu iha uma importante tebes—ida-ne'e fó impaktu ba ita-boot nia obrigasaun fiskál no nivel risku legál sira ne'ebé ita-boot sei hetan.

Alex Solo hanesan ko-fundadór husi Sprintlaw, fornesedór servisu legál online ida, nia hatete katak estrutura ne'ebé komún liu ba ema sira ne'ebé harii negósiu iha uma maka empreza úniku, ne'ebé mós koñesidu hanesan komersiante úniku.

"Ida-ne'e hanesan opsaun ne'ebé baratu no lalais liu ba negósiu ema ida nian iha Austrália - ita-boot bele halo rasik online."

Kompañia ida iha parte seluk, bele kusta pelumenus $600 atu harii no iha taxa sira ne'ebé la'o hela no obrigasaun fiskál sira ne'ebé anexa.

Maibé ninia vantajen boot liu maka protesaun ba risku.

"Se buat ruma la'o laloos iha negósiu, problema ne'e sei haketak hosi ita-boot nia moris pesoál inkluido ita-boot nia sasán uma-laran nian - problema ne'e limite ba deit ita-boot nia empreza."

Aprovasaun sira ba lisensiamentu

Negósiu uma-laran ida presiza mós aprovasaun hosi governu, iha nivel governu federal, estadu ka lokál.

Ema bele la realiza katak ba tipu negósiu balun ita presiza aprovasaun sira hosi konsellu lokál.
Alex Solo

Ida-ne'e inklui profisionál sira bem-estar nian, treinadór pesoál sira, estetista sira, no pratikamente fornesedór servisu ruma ne'ebé haree kliente sira iha uma.

Ita-boot nia negósiu iha uma presiza aprovasaun sira hosi governu. Credit: Edwin Tan/Getty Images

Indústria ai-han no restaurasaun nian

Maioria negósiu sira ne'ebé relasiona ho ai-han sei la kontaktu reguladór seguransa ai-han governu estadu nian, maibé sira presiza kontaktu sira nia konsellu governu lokal.

Andrew Davies, CEO Interinu hosi Autoridade Ai-han New South Wales nian, rekomenda katak "Ida-ne'e pontu importante tebes atu levanta katak negósiu ai-han nian tenke kontaktu sira nia konsellu lokál inisialmente hodi buka konsellu ruma,"

Sr. Davies mos hatete “Husi perspetiva seguransa ai-han nian, kualkér negósiu ai-han nian bele hala'o operasaun hosi uma enkuantu jestaun ba fatin, ekipamentu no prátika ai-han nian presiza prienxe rekizitu tuir kódigu Padraun Ai-han nian, ne'ebé aplika iha Austrália tomak".

“No ida-ne'e sei fó informasaun hanesan rekizitu mínimu sira bainhira ita-boot simu, bainhira ita-boot rai ai-han, bainhira ita-boot prosesa, hatudu, halo pakote, transporta ka soe sasan/buat ne'ebe ita produs."

Negósiu ai-han sira ne'ebé halao iha uma inklui mos sira seluk hanesan tuir mai: karreta ai-han, fornesadar ai-han sira, akomodasaun ba turista ka vizitante sira no prepara ai-han ba fa'an ba merkado retallu no mos ba fornesador hahana iha eskola sira. Credit: Alex Liew/Getty Images

Kuidadu infánsia (family day care) iha uma

Edukadór sira infánsia nian bele serbisu iha uma tuir modelu servisu kuidadu loron Família nian Family day care , ne'ebé hetan finansiamentu parsiál hosi governu Austrália.

Normalmente, edukadór Family Care sei rejista hanesan komersiante úniku no kontratadu hosi fornesedór servisu ne'ebé aprova ona.

Andrew Paterson, CEO husi peak body Family Day Care Australia trasa pré-rekizitu xave sira hanesan tuir mai:

Sertifikadu III iha edukasaun no kuidadu infánsia nian
Servisu ho Labarik sira nia Verifikasaun no Polísia nia
Verifikasaun Kualifikasaun sira kona-ba primeiru sokorru no seguransa

Sr. Paterson hatete “Family Day Care funsiona tuir lei nasionál, nune'e ezijénsia sira kona-ba kualidade no seguransa regulatóriu sira konsistente iha nasaun tomak".

Maibé edukadór sira mós presiza hetan aprovasaun hosi konsellu lokal, no kondisaun sira varia.

Bainhira ita-boot rejista ho servisu ne'ebé aprova ona husi Family Day Care, sira bele apoia ita-boot hodi jere rekizitu governu lokál ruma.
Andrew Paterson

Maibé edukadór sira mós presiza hetan aprovasaun hosi konsellu, no kondisaun sira varia.

Sr. Paterson subliña "obrigasaun negósiu jerál sira aplika nafatin hanesan rejistu fiskál sira no seguru adekuadu.

“Kuidadu Família nian la'ós servisu deit tau matan ba labarik, importante atu tama iha setór ho komprensaun katak ita-boot hanesan profisionál edukasaun infánsia nian, maibé ita-boot mós hala'o negósiu ida no serbisu iha ambiente ida ne'ebé reguladu tebes."

If your home-based business involves collecting health information from your clients, make sure you comply with privacy laws. Credit: Frazao Studio Latino/Getty Images

Buka apoiu molok ita-boot hahú

Se ita-boot foin hahú negósiu, ida-ne'e ideia di'ak atu buka apoiu profisionál.

Ita-boot mós bele kontaktu ajénsia governu relevante iha ita-boot nia estadu ka teritóriu ba konsellu no informasaun kona-ba workshop subsídiu ruma hosi governu ne'ebé disponivel.

Chris O'Hare, asesór negósiu seniór iha Korporasaun Dezenvolvimentu Negósiu Ki'ik sira iha Western Australia, enkoraja na'in ba negósiu foun sira atu investe iha aprendizajen báziku sira hanesan jestaun finanseira no kumprimentu sistema legál.

"Tanba ikusmai, maski ita-boot ba hasoru advogadu ka kontabilista ida no sira rekomenda buat ruma ba ita-boot, nu'udar na'in ba negósiu, ikusmai ne'e ita-boot nia desizaun."

Sr. O'Hare hatete "Ema barak hahú negósiu ida ho motivasaun atu uza sira nia abilidade ho di'ak, maibé komprende ita-boot nia finansas maka esensiál tebes no ida ne'e la'ós opsionál".

"Osan hanesan asuntu tabu ba ema balun. Maibé se ita-boot nia osan hotu no ita-boot nia negósiu taka, ema nain hirak mak ita-boot bele ajuda?"

No se ita-boot harii hela negósiu ida iha uma enkuantu aluga, keta haluha atu buka aprovasaun hosi uma-na'in iha inísiu.

"Tanba sira bele hili atu la permite ita-boot atu halo ida-ne'e.

"Imajina hahú negósiu uma nian no depois ita-boot nia aluga rezidensiál kansela tanba ita-boot viola termu sira. Ne'e sei sai esperiénsia ida ne'ebé at tebes."

Ba informasaun sira kona-ba tempu impostu nian no rekursu aprendizajen nian hodi apoia ita-boot nia negósiu iha uma, vizita ATO’s ‘Essentials to strengthen your small business’
Ba konsellu no asisténsia negósiu nian iha ita-boot nia estadu ka teritóriu vizita website governu nian sira tuir lista iha kraik

Australian Capital Territory

Northern Territory

Western Australia