Kolaborasaun múzika úniku ida ne'ebe halibur artista nain rua hosi Timor-Leste no hosi komunidade Primeira Nasaun Austrália nian. Apoiu hosi Skinnyfish Music no suporta hosi Embaixada Australia iha Timor-Leste no governu Western Australia, projetu ne'e lori kantora timor-oan Orlando Rosália no artista aboríjene Australia, Iconyx hodi fahe no aprende knananuk, istória no tradisaun nasaun rua nian. Projetu ida ne'e suporta mos hosi artista senior Timor-oan nain rua, Etson Caminha no Ego Lemos.
WARNING: Aboriginal and Torres Strait Islander readers are advised that this story includes the names and images of Indigenous people who have passed away.
Projetu ida ne'e halibur kantora timor-oan Orlanda Rosalia, ho artista aboríjene Iconyx, no Michael Hohnen hosi Skinnyfish Music, ne'ebé ajuda dezenvolve kolaborasaun hafoin ligasaun ida ho Iconyx ne'ebe hari'i besik dékada ida liu husi knananuk "Baru" ne'ebe kona-ba lafaek hosi artista matebian lejendariu aborijini, Geoffrey Gurrumul Yunupingu.
Múziku no kolaboradór Etson Caminho hosi Timor-Leste ajuda halibur tradisaun múzika oioin no apoia prosesu kriativu, enkuantu artista senior no defensór ambientál Ego Lemos reflete kona-ba influénsia hosi artista lejendariu Aboríjene Geoffrey no maneira oinsá nia múzika kontinua rezona ho audiénsia sira, inklui iha Timor-Leste.
Istória ne’e destaka oinsá múzika, lian no konta istória ne’ebé fahe bele hametin relasaun entre Timor-Leste no ema Primeira Nasaun Austrália, hodi kria dalan foun ba kompriensaun, respeitu no rekonsiliasaun.
Projetu ida ne'e hetan suporta hosi Embaixada Australia iha Timor-Leste no mos hosi goveru Australia Osidental ka Western Australia nian.
