བྷོན་ཌི་འཇིགས་སྐུལ་དོན་རྐྱེན་བྱུང་རྗེས་དམག་འཁྲུག་གི་དཔང་པོ་ (Witness to War) ཞེས་པའི་ཛ་དྲག་ཁ་པར་ཞབས་ཞུ་ཁང་དེ་ཉིད་བྲེལ་བ་ཆེན་པོ་ལངས་ཡོད།
ཕྱི་ལོ་ ༢༠༢༢ ནས་བཟུང་ཞབས་ཞུ་ཁང་དེས་རང་སྐད་དུ་སྐད་སྒྱུར་བའི་གདམ་ག་དང་བཅས་ཏེ་དམག་འཁྲུག་གི་བག་ཆགས་རྒྱུན་མཐུད་མྱོང་མཁན་ཚོར་རིན་མེད་སློབ་སྟོན་བྱེད་ཀྱི་ཡོད།
ཕི་དྷ་ཨལ་ཧ་ཌཌ་ནི་ཛ་དྲག་ཁ་པར་ཞབས་ཞུ་ཁང་གི་ལས་བྱེད་པ་ཞིག་ཡིན། ཁོང་གིས་ལོ་གཉིས་ལྷག་ཙམ་རིང་ལས་ཁུངས་འདིར་ཞབས་ཞུ་བསྒྲུབས་ཡོད།
ཁོ་རང་ལ་མཚོན་ན། དེ་གའི་ལས་བྱེད་མ་ཆགས་གོང་བརྒྱུད་རིམ་དུ་མ་ཞིག་འགྲིམས་ཡོད། ཐོག་མར་ལི་བེ་ནོན་ནས་ཐོན་རྗེས་ཨོ་སི་ཁྲུ་ལི་ཡའི་ནང་སྤྱི་ཚོགས་ཚན་རིག་ཐོག་རབ་འབྱམས་པ་དང་ཆེས་མཐོའི་རབ་འབྱམས་པའི་སློབ་གཉེར་བྱས། གཞན་ལ་རོགས་རམ་ཐུབ་ཕྱིར་མུ་མཐུད་སེམས་ཁམས་འཕྲོད་བསྟེན་གྱི་སྦྱོང་བརྡར་བྱེད་བཞིན་ཡོད།
ཁོ་མོས་ལས་ཀ་དེར་དཀའ་ལས་ཡོད་ཀྱང་འདོད་བློ་ཁེངས་པ་ཞིག་ཡིན་པར་བརྗོད།
ཕི་དྷ་ཡིས་ཁོ་མོ་རང་ཉིད་ཀྱི་རྒྱབ་ལྗོངས་དེས་རོགས་སྐྱོར་བྱེད་ཡུལ་གྱི་གང་ཟག་དེ་དག་དང་ལྷན་དུ་མཉམ་མཐུན་གྱི་གོ་རྟོགས་ཡོང་བ་དང་། བདེ་འཇགས་ཀྱི་ཚོར་བ་ཞིག་བསྐྲུན་པར་རོགས་རམ་བྱེད་ཀྱི་ཡོད་པར་བརྗོད།
སྨན་བཅོས་སེམས་ཁམས་རིག་པ་བ་ཇོར་ཇྷི་ཨ་རོ་ཆི་ནི་ཛ་དྲག་ཁ་པར་ཞབས་ཞུ་ཁང་དེ་ཉིད་སྟངས་འཛིན་བྱེད་མཁན་གྱི་སི་ཊར་ཊི་ (STARTTS) ཞེས་པའི་ཁེ་མེད་ཚོགས་པའི་འགན་འཛིན་ཡིན།
ཁོང་གིས་ཛ་དྲག་ཁ་པར་ཞབས་ཞུ་ཁང་དེ་ཐོག་མར་ཟླ་བ་དྲུག་རིང་གི་ལས་གཞི་གནས་སྐབས་ཅན་ཞིག་ཡིན་པ་དང་། དེ་ནི་ནིའུ་སའོ་ཐ་ཝལ་སི་མངའ་སྡེའི་གཞུང་གིས་ཨ་ཧྥ་གྷ་ནི་སི་ཐན་གྱི་སྤྱི་ཚོགས་ཁོ་ནར་རྒྱབ་སྐྱོར་བྱེད་པའི་ཆེད་དུ་མ་དངུལ་མཁོ་སྤྲོད་བྱས་པ་ཞིག་ཡིན་པར་བརྗོད།
ལོ་མང་རིང་། ཛ་དྲག་ཁ་པར་ཞབས་ཞུ་ཁང་དེས་སྤྱི་ཚོགས་ཀྱི་དགོས་མཁོ་ཇེ་ཆེར་འགྲོ་བར་བསྟུན་ནས་འཕེལ་རྒྱས་བྱུང་སྟེ། ཡུ་ཁེ་རེན། ཨི་རན། སི་རི་ལན་ཀ། རྒྱ་གར། ལྷོ་སུ་ཌན་བཅས་ནས་ཡིན་པའི་དམག་འཁྲུག་ལས་བྲོས་བྱོལ་དུ་ཡོང་བའི་མི་སྒེར་ཚོར་རྒྱབ་སྐྱོར་བྱས་ཡོད།
བྷོན་ཌི་དུ་མི་མང་འབོར་ཆེན་ལ་མི་གསོད་ཁྲག་སྦྱོར་བྱུང་རྗེས་ཛ་དྲག་ཁ་པར་ཞབས་ཞུ་ཁང་དེར་རོགས་སྐྱོར་གྱི་ཕྱིར་ཁ་པར་སླེབས་ཚད་ཧ་ཅང་མང་དུ་ཕྱིན་ཡོད།
ཕི་ཌ་ཡིས་ད་ཆ་གང་ཞིག་སྔར་དང་མི་འདྲ་བ་གསལ་པོ་རེད་ཅེས་བརྗོད།
དབུས་གཞུང་གིས་བྷོན་ཌི་དོན་རྐྱེན་བྱུང་རྗེས་སེམས་ཁམས་འཕྲོད་བསྟེན་ཞབས་ཞུ་ཁང་ཚོར་རྒྱབ་སྐྱོར་གྱིས་ཨོ་སྒོར་ས་ཡ་བཞི་བཅུ་ལྷག་ཙམ་གཏོང་རྒྱུའི་གསལ་བསྒྲགས་བྱས་ཡོད། དེ་ནི་ཕྱི་ལོ་ ༡༩༩༦ ལོའི་པོར་ཊི་ཨ་ཐར་དུ་བྱུང་བའི་དོན་རྐྱེན་རྗེས་ཀྱི་ལོ་ངོ་སུམ་ཅུའི་ནང་གི་རྒྱལ་ཁབ་ནང་བྱུང་བའི་མང་ཚོགས་མི་གསོད་ཁྲག་སྦྱོར་ཆེ་ཤོས་དེ་ཡིན་འདུག
མ་དངུལ་དེའི་ཆ་ཤས་ཤིག་སྟེ། ཨོ་སྒོར་ས་ཡ་གསུམ་དང་དྲུག་འབུམ་དམག་འཁྲུག་གི་དཔང་པོ་ཞེས་པའི་ཛ་དྲག་ཁ་པར་ཞབས་ཞུ་ཁང་དེ་ལ་གཏོང་རྒྱུ་ཡིན་འདུག
ཇ་མི་ལ་པེ་ཌི་ཡིས་དངུལ་དེས་ཞབས་ཞུ་ཁང་དེ་ཨོ་སི་ཁྲུ་ལི་ཡོངས་ལ་དམིགས་བསལ་གྱི་ལྟ་རྟོག་གི་མཐུན་རྐྱེན་རྣམས་འདྲ་མཉམ་ཐོག་སྦྱོར་ཐུབ་པ་དང་། ས་ཁུལ་གྱི་གྲོང་བརྡལ་དུ་ཡང་ཁྱབ་སྤེལ་བྱེད་ཐུབ་པར་བརྗོད།
པེ་ཌི་ལགས་ནི་ཨོ་སི་ཁྲུ་ལི་ཡའི་མངའ་སྡེ་དང་ས་ཁུལ་མི་འདྲ་བ་བརྒྱད་མཚོན་པའི་སྐྱབས་བཅོལ་བའི་གནོད་སྐྱོན་དང་། གདུག་རྩུབ་ལས་བྱུང་བའི་སྨན་བཅོས་ཀྱི་དམིགས་བསལ་ལས་ཁུངས་བརྒྱད་དེ་ཧྤ་སི་(FASSTT) ཀྱི་རྒྱལ་ཡོངས་འབྲེལ་མཐུད་པ་ཡིན།
ཁོ་མོས་ད་ལྟའི་དམིགས་ཡུལ་ནི་སྤྱི་ཚོགས་དང་འབྲེལ་བ་ཤུགས་ཆེ་རུ་གཏོང་རྒྱུ་གཙོས་མི་རྣམས་ལ་བདེ་འཇགས་ཀྱི་ཚོར་བ་སྤྲོད་པའི་ཐོན་རྐྱེན་སླར་གསོ་བྱེད་རྒྱུ་དེ་ཡིན་པར་བརྗོད།
སྐུ་ཞབས་ཨ་རོ་ཆི་ཡིས་དམག་འཁྲུག་གི་བག་ཆགས་མྱོང་མཁན་ཚོར་སྐྱོ་སྡུག་དང་སེམས་ནད་རྒྱུན་རིང་ལྷག་གི་ཡོད་སྟབས་ཞབས་ཞུ་དེ་དང་། དེའི་རྒྱལ་ཡོངས་ཁྱབ་སྤེལ་གྱི་ནུས་པ་དེའི་དགོས་མཁོ་མུ་མཐུད་ནས་ཡོད་པར་བརྗོད།
ཁོང་གིས་སྤྱི་ཚོགས་ཀྱི་འབྲེལ་བ་ཉམས་ཆག་ཕྱིན་པ་སླར་གསོ་བྱེད་པར་དུས་ཚོད་འགོར་རྒྱུ་ཡིན་པར་བརྗོད།
སྐུ་ཞབས་ཨ་རོ་ཆེ་ཡིས་དམག་འཁྲུག་གི་བག་ཆགས་མྱོང་མཁན་ཚོར་མུ་མཐུད་རྒྱབ་སྐྱོར་དགོས་པ་ནི་དཀའ་ངལ་དེའི་རང་བཞིན་ཡིན། གང་ལ་ཞེ་ན་དེའི་ནད་རྟགས་རྣམས་ཐོག་མའི་སྐུལ་རྐྱེན་བྱུང་བའི་རྗེས་སུ་མངོན་མགྱུར་ཡོང་སྲིད་ཅེས་དང་། ལྷག་པར་དུ་ཁོང་གིས་བྱིས་པ་ཚོར་རྒྱབ་སྐྱོར་བྱེད་རྒྱུ་གལ་ཆེ་ཡིན་པར་གསུངས་ཡོད།།
