འཛམ་གླིང་འདིས་དམག་འཁྲུག་གསར་པ་ཞིག་ལ་གདོང་ལེན་བྱེད་བཞིན་པའི་སྐབས་སུ། གསར་འགྱུར་འཁོར་རྒྱུག་མགྱོགས་མྱུར་འཕེལ་བཞིན་ཡོད།
ཟླ་བ་སྔ་མའི་མཇུག་ཏུ་ཨ་རི་དང་ཨི་སི་རལ་གྱིས་ཨི་རན་ལ་འཇབ་རྒོལ་བྱས་རྗེས། ཨི་རན་གྱིས་གྷལ་ཧྥ་ཁུལ་གྱི་རྒྱལ་ཁབ་ཁག་ལ་གཏོར་རྒོལ་བྱས་ཏེ་དབུས་ཤར་གྱི་འཁྲུག་རྩོད་དེ་རྒྱ་ཆེར་ཕྱིན་ཡོད། དེ་དག་གི་ཁྲོད་དུ་དྷུ་བྷའི་ལྟ་བུའི་འགྲུལ་བཞུད་ལྟེ་གནས་ཆེ་ཁག་རྣམས་ཚུད་ཡོད།
འོན་ཀྱང་། མངོན་གསལ་མིན་པའི་དམག་འཁྲུག་དང་གཏོར་བརླག་གི་གཟུགས་བརྙན་དང་གཏམ་རྒྱུད་འབོར་ཆེན་རྣམས་ལ་ཡ་ལན་ཇི་ལྟར་སྤྲོད་ཀྱིན་ཡོད་དམ།
༢༠༢༥ ལོའི་རོ་ཊར་གསར་འགྱུར་དྲྭ་རྒྱའི་སྙན་ཐོ་ལྟར་ན། འཛམ་གླིང་ཡོངས་སུ་གསར་འགྱུར་ལ་གཡོལ་ཐབས་བྱེད་མཁན་ཇེ་མང་དུ་འགྲོ་བཞིན་ཡོད་པ་དང་། ལྷག་པར་དུ་ན་གཞོན་དང་མཐོ་རིམ་སློབ་ཐོན་གྱི་ལག་འཁྱེར་མེད་མཁན་ཚོའི་ཁྲོད་དུ་དེ་བས་མང་བ་ཡོད།
ཞིབ་འཇུག་འདིས་ཕྱི་ལོ་ ༢༠༡༥ ལོ་ནས་བཟུང་ཨོ་སི་ཊེ་ལི་ཡ་ཚུད་པའི་རྒྱལ་ཁབ་ ༡༧ གྱི་མི་ཚོགས་ཞིག་ལ་བརྟག་ཞིབ་བྱས་ཡོད། ཞིབ་འཇུག་འདིས་གསར་འགྱུར་འགོག་ཐབས་བྱེད་པའི་རྒྱུ་མཚན་གཙོ་བོ་ནི་གསར་འགྱུར་གྱིས་མི་སྒེར་གྱི་སེམས་ཁམས་ལ་ཤུགས་རྐྱེན་ངན་པ་ཐེབས་པ་དང་། དམག་འཁྲུག་དང་དམག་འཁྲུག་གི་གནས་ཚུལ་མང་དྲགས་པ་དེ་ཡིན།
གདུག་རྩུབ་ལ་ཡིད་ཐང་ཆད་པ་ཟེར་བ་དེ་གང་ཡིན།
དེས་ན་འདི་ནི་སྙིང་རྗེ་ཉམས་པ་དང་། ཡང་ན་ཆེད་མཁས་པ་ཞིག་གིས་བཤད་པ་ལྟར་གདུག་རྩུབ་ལ་སུན་སྣང་བྱེད་པ་དང་། ཡང་ན་དངོས་མྱོང་མིན་པའི་རྨས་སྐྱོན་ལས་བྱུང་བའི་གཡོལ་ཐབས་ཤིག་ཡིན་ནམ།
གཅིག་བྱས་ན་གཉིས་ཀ་ཡིན་སྲིད།
ནིའུ་སཱོ་ཐ་ཝལ་སི་གཙུག་ལག་སློབ་གྲྭ་ཆེན་མོའི་དམག་འཁྲུག་དང་འགལ་ཟླའི་གསར་འགྱུར་སྙན་སེང་ཐད་ཆེད་ལས་པ་དང་དགེ་རྒན་ཆེན་མོ་ཨེ་ཤ་ཇ་ཧང་གྷིར་ལགས་ཀྱིས་གདུག་རྩུབ་ལ་སེམས་ཚོར་བརླག་འགྲོ་བའི་ཉེན་ཁ་ཡོད།
འོན་ཀྱང་། ཁོ་མོས་དེ་ནི་མི་ཚོས་སེམས་ཁུར་མི་བྱེད་པ་ཙམ་མིན་ཞེས་གསུངས་ཡོད།
དགེ་རྒན་ཆེན་མོ་ཨེ་ཤ་ཇ་ཧང་གྷིར་གྱིས་གནས་སྟངས་འདི་འགྲེལ་བརྗོད་བྱེད་པར་"གདུག་རྩུབ་ཀྱིས་ཡིད་ཐང་ཆད་པའི་ཚོར་སྣང་"ཞེས་པའི་ཐ་སྙད་དེ་བེད་སྤྱོད་བྱེད་ཀྱི་ཡོད།
དུས་མཚུངས་སུ་དེ་ལྟ་བུའི་འཇིགས་སྣང་ཡང་ཡང་འཕྲད་པ་དེས་གཞན་ལ་དྲག་རྩུབ་ཀྱི་དཀའ་ངལ་འཕྲད་པ་ལ་བརྟེན་ནས་བྱུང་བའི་སེམས་སྐྱོན་ཡང་བཟོ་སྲིད་པ་རེད།
གཞན་ལ་དྲག་རྩུབ་ཀྱི་དཀའ་ངལ་འཕྲད་པ་ལ་བརྟེན་ནས་བྱུང་བའི་སེམས་ཁམས་ཀྱི་རྨས་སྐྱོན་དང་གསར་འགྱུར་ལ་གཡོལ་ཐབས།
དུས་མཚུངས་སུ་དེ་ལྟ་བུའི་འཇིགས་སྣང་ཡང་ཡང་འཕྲད་པ་དེས་གཞན་ལ་དྲག་རྩུབ་ཀྱི་དཀའ་ངལ་འཕྲད་པ་ལ་བརྟེན་ནས་བྱུང་བའི་སེམས་སྐྱོན་ཡང་བཟོ་སྲིད་པ་རེད།
ཨ་རིའི་སེམས་ཁམས་རིག་པའི་མཐུན་ཚོགས་ཀྱིས་སེམས་སྐྱོན་ནི་ཧ་ཅང་དྲག་རྩུབ་ཆེ་བའི་སེམས་ངལ་མྱོང་བའམ་མཐོང་བ་ལ་བརྟེན་ནས་མི་ཞིག་གི་སྐྱོ་སྣང་ལ་གདོང་ལེན་བྱེད་པའི་ནུས་པ་ཉམས་པའམ་འཇིག་རྟེན་ལ་ལྟ་ཚུལ་ལ་ལོག་པའི་གནས་བབས་དང་འཕྲད་པ་ལ་ཟེར་བར་འགྲེལ་བརྗོད་བྱེད་ཀྱི་ཡོད།
དེ་ནི་སེམས་ཁམས་རིག་པ་དང་སེམས་ཁམས་འཕྲོད་བསྟེན་གྱི་སློབ་དཔོན་ཆེན་མོ་སུ་སན་རི་སི་ལགས་ཀྱིས་གནོད་འཚེ་ཕོག་པའི་མི་མང་དང་། འགལ་ཟླ་དང་གནོད་འཚེའི་སྐོར་གྱི་ཞིབ་འཇུག་སྣ་ཚོགས་ནང་དུ་བཀོལ་སྤྱོད་བྱེད་པའི་མཚན་ཉིད་ཅིག་རེད།
ཁོ་མོས་ཉེ་ཆར་དབུས་ཤར་ས་ཁུལ་གྱི་འཁྲུག་རྩོད་ཀྱིས་ཨོ་སི་ཊེ་ལི་ཡའི་མི་འབོར་ལ་ཐེབས་པའི་སེམས་ཁམས་ཀྱི་ཤུགས་རྐྱེན་ཞིབ་འཇུག་བྱས་པ་ལྟར་ན། དམིགས་བསལ་ས་ཁུལ་དང་། གཉེན་ཉེ། ཡང་ན་རིག་གཞུང་གི་འབྲེལ་བ་ཡོད་པའི་མི་རྣམས་ལ་སེམས་ཁམས་ཀྱི་དཀའ་ངལ་ཆེན་པོ་འཕྲད་སྲིད།
ཕྱི་ལོ་ ༢༠༢༣-༢༠༢༥ ལོའི་དབུས་ཤར་གྱི་འཁྲུག་རྩོད་སྐབས་སུ་ཨོ་སི་ཊེ་ལི་ཡའི་གཏན་སྡོད་བུད་མེད་ཀྱི་སེམས་ཁམས་འཕྲོད་བསྟེན་གྱི་གྲུབ་འབྲས་ལ་བརྟག་ན་འཁྲུག་རྩོད་སྐབས་སུ་ཚོགས་པ་དེའི་ནང་དུ་སྔར་དང་མི་འདྲ་བར་སེམས་ཁྲལ་གྱི་ནད་རྟགས་ཇེ་མང་དུ་ཕྱིན་ཡོད།
འོན་ཀྱང་། རི་སི་ལགས་ཀྱིས་སུས་ཀྱང་ཡང་ཡང་འཇིགས་སྐུལ་གྱི་བྱ་སྤྱོད་མཐོང་ན་དེས་གཞན་ལ་དྲག་རྩུབ་ཀྱི་དཀའ་ངལ་འཕྲད་པ་ལ་བརྟེན་ནས་བྱུང་བའི་སེམས་ཁམས་ཀྱི་རྨས་སྐྱོན་མྱོང་སྲིད་པ་བརྗོད་ཡོད་ཅིང་། དེ་ནི་ཟླ་དགུ་པའི་ཚེས་བཅུ་གཅིག་དང་བྷོ་སི་ཊོན་རྒྱང་རྒྱུག་སྐབས་བྱུང་བའི་འབར་སྐྱོན་གྱི་རྗེས་སུ་བྱས་པའི་ཞིབ་འཇུག་ལ་གཞི་བཅོལ་ཡོད། "
སྤྱི་ཚོགས་བརྒྱུད་ལམ་གྱིས་ཤུགས་རྐྱེན་ཇི་ལྟར་ཐེབས་ཀྱི་ཡོད་དམ།
དེ་ན་དེ་འདྲའི་གདུག་རྩུབ་ཀྱིས་ཡིད་ཐང་ཆད་པའམ་གཞན་ལ་དྲག་རྩུབ་ཀྱི་དཀའ་ངལ་འཕྲད་པ་ལ་བརྟེན་ནས་བྱུང་བའི་སེམས་ངལ་གྱི་རྒྱུ་རྐྱེན་གང་ཡིན་ནམ།
དེའི་ཐད་སྤྱི་ཚོགས་བརྒྱུད་ལམ་གྱིས་ངེས་པར་དུ་ཤུགས་རྐྱེན་ཐེབས་ཀྱི་ཡོད་པ་མངོན་གསལ་དུ་མཐོང་ཐུབ།
རེའུ་ཊར་གྱི་གསར་འགྱུར་དྲྭ་རྒྱའི་སྙན་ཐོའི་ནང་སྤྱི་ཚོགས་བརྒྱུད་ལམ་དང་བརྙན་འཕྲིན་སྡིངས་ཆ་བེད་སྤྱོད་བྱེད་ཚད་ཇེ་མགྱོགས་སུ་འགྲོ་བཞིན་པ་དང་། དེས་ཆད་ལྷག་མང་བའི་བརྙན་འཕྲིན་ལམ་ཁ་གཞན་ཞིག་བསྐྲུན་ནས་དོན་དངོས་ལ་གཞི་བཅོལ་བའི་གསར་འགྱུར་ལ་ཉམས་རྒུད་གཏོང་བཞིན་ཡོད་པ་བཀོད་འདུག
ཨེ་ལེག་ཛན་ཌ་ཝེག་ནི་ཨར་ཨེམ་ཨ་ཡི་ཊི་གཙུག་ལག་སློབ་གཉེར་ཁང་གི་གསར་འགོད་སློབ་དཔོན་ཞིག་ཡིན་པ་དང་། སེམས་སྐྱོན་དང་འབྲེལ་བའི་དངོས་དོན་གསར་འགོད་ཐོག་ཆེད་ལས་མཁས་པ་ཡིན།
ཁོང་གིས་བརྗོད་དོན། སྲོལ་རྒྱུན་གྱི་རྒྱང་བསྒྲགས་གསར་འགོད་ཀྱིས་གསར་འགྱུར་ནང་གི་དྲག་རྩུབ་ཆེ་བའི་པར་རིས་དང་ཞིབ་ཕྲ་རྣམས་ཕྱིར་འདོན་བྱེད་ཀྱི་ཡོད་པ་དང་། ད་ཆ་སྤྱི་ཚོགས་བརྒྱུད་ལམ་ཁག་ཏུ་གནས་ཚུལ་དེ་དག་ཚགས་ཚུད་སྤུ་ཙམ་མེད་པར་གཏོན་གྱི་ཡོད།
དགེ་རྒན་ཝེག་ལགས་ཀྱིས་གསུངས་པ་ལྟར་ན། སྤྱི་ཚོགས་བརྒྱུད་ལམ་ཐོག་འབོར་ཆེ་བའི་དྲག་སྤྱོད་ཀྱིས་མི་རྣམས་ལ་བྱ་ཐབས་ཟད་པའི་ཚོར་སྣང་སྐྱེ་བཅུག་ནས་དེ་དག་ལ་གཡོལ་ཐབས་བྱེད་རྒྱུར་སྐུལ་གྱི་ཡོད་པ་རེད།
དགེ་རྒན་ཆེན་མོ་ཇ་ཧན་གྷིར་གྱིས་ཁེ་ན་ཌའི་མཚན་ཉིད་སྨྲ་བ་མར་ཤལ་མེག་ལུ་ཧན་ལ་ཁུངས་གཏུགས་ནས་གསུངས་དོན། བརྒྱུད་ལམ་ཁག་ནི་བརྡ་ལན་གང་སྤྲོད་ཀྱི་ཡོད་པ་དེ་ཡིན།
བཤད་སྟངས་གཞན་ཞིག་ནས་བརྗོད་ན། མི་མང་ལ་གནས་ཚུལ་མཁོ་འདོན་བྱེད་པའི་འཕྲུལ་རིག་གམ་སྡིངས་ཆ་དེས་གནས་ཚུལ་དེ་མི་ཚོས་ཇི་ལྟར་མཐོང་བ་དང་ཉམས་སུ་མྱོང་དུ་གཅུག་གི་ཡོད།
སྙིང་རྗེ་ཉམས་པའི་གནས་བབ།
དགེ་རྒན་ཆེན་མོ་རི་སེ་ཡིས་བརྗོད་པ་ལྟར་ན། སེམས་ཁམས་རིག་པ་དང་སེམས་ནད་ཞིབ་འཇུག་གི་ལས་རོགས་ཚོས་སྤྱིར་བཏང་དུ་སྙིང་རྗེ་ཉམས་པའི་ཐ་སྙད་འདི་དངོས་སུ་གནོད་འཚེ་ཕོག་མཁན་ནམ། ཡང་ན་གནོད་འཚེ་ཕོག་པའི་གནས་སྟངས་ནང་ལས་ཀ་བྱེད་མཁན་ཚོའི་སེམས་ཁམས་ཀྱི་གནས་སྟངས་ལ་གོ་གི་ཡོད།
འོན་ཀྱང་ད་ལྟ་དེ་དམག་འཁྲུག་དང་སྡུག་བསྔལ་རྒྱུན་མཐུད་པའི་གནས་ཚུལ་འཕྲད་པའི་དྲྭ་ལམ་དང་སྤྱི་ཚོགས་ཀྱི་མི་མང་པོ་ཞིག་གི་གནས་བབས་དང་མཚུངས་པ་ཡིན།
དེས་ན་གསར་འགྱུར་བརྒྱུད་ལམ་ལས་རྦད་དེ་ཕྱིར་འཐེན་བྱ་རྒྱུ་ནི་ཐབས་ལམ་ཡག་ཤོས་དེ་ཡིན་ནམ་ཞེ་ན།
ཆེད་ལས་པ་ཚོས་གསར་འགྱུར་ལ་གསན་གཟིགས་བྱེད་སྐབས་ཁེར་རྐྱང་དང་ཐབས་ཟད་པའི་ཚོར་བ་ལ་སྟངས་འཛིན་བྱེད་ཐབས་ཡོད་པར་བཤད།
སེམས་སྐྱོན་གྱི་ཁྱབ་ཁོངས་སུ་ཞིབ་འཇུག་དང་ལས་ཀ་བྱེད་མཁན་གྱི་གསར་འགོད་པ་ཞིག་ཡིན་པའི་ཆ་ནས། སློབ་དཔོན་ཝེག་ཡིས་མི་ཀྱི་སེམས་ཁམས་འཁྲུག་མ་ཐེབས་པའི་ཕྱིར་གསར་འགྱུར་གྱི་བརྒྱུད་ལམ་ལམ་གར་སྟེག་བྱེ་བྲག་བེད་སྤྱོད་བྱེད་རྒྱུར་ཚད་བཀག་བྱེད་དགོས་པར་བསླབ་བྱ་གནང་།
དེའི་ཐད་གསར་འགྱུར་ལས་རིགས་ཀྱིས་ཀྱང་ནུས་པ་གལ་ཆེན་ཞིག་འདོན་ཐུབ།
ཇྷ་ཧན་གྷིར་ལགས་ཀྱིས་སྐད་ཡིག་གི་གལ་ཆེའི་རང་བཞིན་བརྗོད་པ་དང་། གསར་འགྱུར་ལས་ཁང་ཁག་ལ་དམག་འཁྲུག་དང་གདུག་རྩུབ་ཀྱི་མཇུག་འབྲས་མི་ཆོས་དང་མཐུན་མིན་དཀྱིལ་སྙིང་དུ་འཛིན་པ་དང་། དྲག་སྤྱོད་དོན་རྐྱེན་གྱི་སྐོར་ལ་རྒྱབ་ལྗོངས་མཁོ་སྤྲོད་བྱེད་པའི་འགན་འཁྲི་ཡོད་པར་གསུངས།
གསར་འགྱུར་ལྟ་ཉན་ཚོད་འཛིན་བྱེད་པ།
རི་སི་ལགས་ཀྱིས་དྲག་རྩུབ་ཀྱིས་སེམས་ཁམས་ལ་སྨས་སྐྱོན་གཏོང་བར་གདོང་ལེན་བྱེད་ཐབས་ནི་གསར་འགྱུར་འཁོར་རྒྱུག་ལས་ཡོངས་སུ་ཕྱིར་འཐེན་བྱེད་རྒྱུ་དེ་མིན་པར། ལྟ་ཚད་དང་རིགས་གང་ཞིག་ལ་ལྟ་ཚུལ་གྱི་དོ་དམ་བྱེད་དགོས་པར་མོས་མཐུན་བྱེད་ཀྱི་འདུག།
ཁོ་མོས་མི་སྒེར་རྣམས་ཀྱིས་དམག་འཁྲུག་དང་གདུག་རྩུབ་ལ་གདོང་ལེན་བྱེད་པའི་ཐབས་ལམ་དངོས་སུ་འཚོལ་དགོས་པའི་བསམ་འཆར་བཏོན་ཡོད་པ་དེས་མི་རྣམས་ལ་དབང་ཆ་ཡོད་པའི་ཚོར་བ་འཐུས་འཚང་ཞིག་སྟེར་ངེས་པ་རེད།
