ཨོ་སི་ཏྲེ་ལི་ཡའི་ཉིན་མོའི་ངོ་སྤྲོད།
Lamington Topped Cupcakes, from an Australia Day BBQ. Source: Getty Images
ཨོ་སི་ཏྲེ་ལི་ཡའི་རྒྱལ་ཡོངས་ཀྱི་ཉིན་མོ་ནི་རྒྱལ་ཁབ་དེར་དབྱིན་ཇའི་མི་སེར་སྤེལ་བའི་ལོ་རྒྱུས་དང་འབྲེལ་བ་ཡོད་པ་ཞིག་ཡིན། དེ་ཡང་ཕྱི་ལོ་ ༡༧༨༨ ལོའི་ཟླ་བ་ ༡ པོ་ཚེས་ ༢༦ ཉིན་དབྱིན་ཡུལ་གྱི་དམག་གྲུ་ཁྱོན་བསྡོམས་བཅུ་གཅིག་ཡོང་ཡོད་པ་ལས། དམག་གྲུ་དང་པོ་དེ་ Port Jackson ཞེས་པའི་གྲུ་ཚུགས་ལ་འབྱོར་བའི་ཉིན་མོ་དེ་སྲུང་བརྩི་གནང་གིས་ཡོད། འོན་ཀྱང་ཨོ་སི་ཏྲེ་ལི་ཡའི་ས་སྐྱེས་རྡོ་སྐྱེས་ཀྱི་གདོད་མའི་མི་རིགས་རྣམས་ལ་ཉིན་དེར་མི་རིགས་དཀར་པོས་བཙན་འཛུལ་བྱེད་པའི་ཉིནམོ་ཞིག་དང་། དེ་བཞིན་བཙན་འཛུལ་བྱེད་ཀྱང་གདོད་མའི་མི་རྣམས་ཀྱིས་སོ་སོའི་རིག་གཞུང་དང་མི་རིགས་ཀྱི་ངོ་བ་མུ་མཐུད་ཤུལ་འཛུན་ཐུབ་པའི་ཉིན་མོ་ཞིག་ཀྱང་བརྩི་སྲོལ་ཡོད། དེ་ཡང་ག་ལེར་དུས་ཀྱི་འཕོ་འགྱུར་དང་བསྟུན་ནས་ཨོ་སི་ཏྲེ་ལི་ཡའི་ཉིན་མོའི་ངོ་བེ་དང་དེ་སྲུང་བརྩི་ཞུ་སྟངས་ལ་ཡང་རིམ་བཞིན་འགྱུར་ལྡོག་ཕྱིན་ཡོད་པ་ཡིན།
Share
