Source: Fessehaye Abrhamካብ ሰልፊ ለበር ዝነውሐ ግዜ ቀዳማይ ሚኒስተር ኣውስትራሊያ ዝነበረ ቦብ ሀውክ ኣብ መበል 89 ዓመቱ ብሓሙስ ዓሪፉ። ንሱ ኣብ ፖለቲካ ኣውስትራሊያ ዓቢ ክብሪ ዘውህብ ስራሕ ዝፈጸመ እዩ። ን “Towards Asmara” ትብል መጽሓፍ ናይ ፍሉጥ ደራሲ ቶም ኬንሊ ኣብ 1989 ኣብ ዝመረቐሉ እዋን፡ ብዛዕባ ኤርትራ እወታዊ ዝኾነ ኣረኣእያ ከምዝነበሮን መንግስቱ ነቲ ኣብ ቃልሲ ነጻነት ዝጋደል ዝነበረ ህዝቢ ኤርትራ ንምሕጋዝ ድሉው ከምዝነበረ ዝገልጽ መደረ ኣስሚዑ። ኣብቲ እዋን ኣብ ኣውስትራሊያ ሓላፊ ማሕበር ረዲኤት ኤርትራ (ኤራ) ዝነበረን ብድሕሪ ናጽነት ኤርትራ ናይ ፈለማ ኣምባሳደር ኤርትራ ኣብ ኣውስትራሊያን ዝነበረ ፍስሃየ ኣብርሃም ኣብ ምምራቕ እቲ መጽሓፍን ብዛዕባ ኤርትራ መደረ ዝስምዐን ሓደ ኔሩ፡ ኣምባሳደር ፍስሃየ ብዛዕባ ኣብቲ እዋን ዝነበረ መንግስቲ ኣውስትራሊያን ንናጽነት ኤርትራ ዝግበር ዝነበረ ቓልሲ ዝነበረ ኣተሓሕዛን፡ ምስ ታሪኽ ቦብ ሀውክ ኣተሓሒዙ ገሊጹ ኣሎ።
ካብ ሰልፊ ለበር ዝነውሐ ግዜ ቀዳማይ ሚኒስተር ኣውስትራሊያ ዝነበረ ቦብ ሀውክ ኣብ መበል 89 ዓመቱ ብሓሙስ ዓሪፉ። ንሱ ኣብ ፖለቲካ ኣውስትራሊያ ዓቢ ክብሪ ዘውህብ ስራሕ ዝፈጸመ እዩ። ን “Towards Asmara” ትብል መጽሓፍ ናይ ፍሉጥ ደራሲ ቶም ኬንሊ ኣብ 1989 ኣብ ዝመረቐሉ እዋን፡ ብዛዕባ ኤርትራ እወታዊ ዝኾነ ኣረኣእያ ከምዝነበሮን መንግስቱ ነቲ ኣብ ቃልሲ ነጻነት ዝጋደል ዝነበረ ህዝቢ ኤርትራ ንምሕጋዝ ድሉው ከምዝነበረ ዝገልጽ መደረ ኣስሚዑ። ኣብቲ እዋን ኣብ ኣውስትራሊያ ሓላፊ ማሕበር ረዲኤት ኤርትራ (ኤራ) ዝነበረን ብድሕሪ ናጽነት ኤርትራ ናይ ፈለማ ኣምባሳደር ኤርትራ ኣብ ኣውስትራሊያን ዝነበረ ፍስሃየ ኣብርሃም ኣብ ምምራቕ እቲ መጽሓፍን ብዛዕባ ኤርትራ መደረ ዝስምዐን ሓደ ኔሩ፡ ኣምባሳደር ፍስሃየ ብዛዕባ ኣብቲ እዋን ዝነበረ መንግስቲ ኣውስትራሊያን ንናጽነት ኤርትራ ዝግበር ዝነበረ ቓልሲ ዝነበረ ኣተሓሕዛን፡ ምስ ታሪኽ ቦብ ሀውክ ኣተሓሒዙ ገሊጹ ኣሎ።
