ኣርእስታት፡ 'ኢንስቲትዩት መረብ' ኣብ ዝተሰምየ ሓዱሽ ትካል ትምህርቲ፣ 80 ተጋሩ 80 ኤርትራውያን ክመሃሩ ምሽብሻባት ይግበሩ ኣለዉ ተባሂሉ። (ጸብጻባት) መንግስቲ ፌደራል ኢትዮጵያ ብናቱ ገንዘብ ዝምወላ መራኸብቲ ሓፋሽ ሽፋን ጸብጻብ ከይህብኦ ዝኸልከሎ መድረኽ ምድሓን ፌዴራሊዝም ኣብ መቐለ ተሳሊጡ። ፕረሲደንት ኢሳያስ ኣፈወርቂ ምስ ልኡኽ መንግስቲ ሱዳን ተላዚቦም። ቀዳማይ ሚንስትር ዶክተር ኣብይ ኣሕመድ ንልዝብ ዝዓደመም ልዕሊ 100 ሽማግለታት ካፋ ናብ ኣዲስ ኣበባ ምስ ኣተዉ ምስቲ ቀዳማይ ሚንስትር ከይተራኸቡ ተመሊሶም። መፅሓፍ ፍቕሪ ዓሲምባ ብፊልም ይስራሕ ኣሎ ተባሂሉ። ዝቕባበ ዋጋ መግቢ ኢትዮጵያ 18.6% ከም ዝበጽሐ ኤጀንሲ ማእኸላዊ ስታትስቲክስ እታ ሃገር ሓቢሩ።
Share
