“ኤርትራዊ ነባሪ ሮማ ብጎቦ ዓይኑ ጠሚቱና’ዩ ዝሓልፍ ዘሎ፡፣” ኣብ ጎልጎል ሮማ ተጓሒፎም ካብ ዘለዉ ስደተኛታት።

ኣስታት 400 ኤርትራዊያንን ኢትዮጵያዊያንን ስደተኛታት ንሓያለ ዓመታት ኣብ ሓደ ህንጻ ክነብሩ ድሕሪ ምጽናሕ፡ ኣብዚ ቅንያት ምሉእ ዕጥቂ ምስ ሂሊኮፕተር ተደጊፎም ሰራዊት ጥልያን ብለይቲ ካብቲ ህንጻ ክወጹ ኣገዲዶሞም ኣለዉ። ኣብ ጎልጎል ተደርብዮም ድማ ናብ ዘብልዎ ሲኢኖምን ኣብ ምቕብሕባሕ ከምዘለዉን ግዳያት ኣዘራሪብና ዝረኸብናዮ ሓበሬታ እዩ። እዞም ስደተኛታት ብኸመይ ኣብዚ ህንጻ ክነብሩ ጸኒሖም? ኣብዚ እዋን ንምንታይ ብሓይሊ ክወጹ ተገይሮም? ኩነታቶም እንታይ ይመስል ኣሎ? ነዚን ካልእን ሕቶታት ሓደ ካብ ግዳያት ዝኾነ ክብሮም ተስፋምሕረት ገሊጹልና ኣሎ።