ቀጥታ ምሉእ ትሕዝቶ ኤስ ቢ ኤስ ትግርኛ (07 ታሕሳስ 2023)

ንሎሚ ሓሙስ 07 ታሕሳስ 2023 ንሓደ ሰዓት ዝጸንሕ መደብና፥ ከፋልጠኩም፡ ሜሪማግደላን ደበሳይ ካብ መስረትቲ ዋዕሮ ኮይና እዚ ምትእኽኻብ ብ ኣሻሓት ደቂ ኣንስትዮ ካብ ምሉእ ዓለ ዝሳተፋኦ እዩ፡ ንደቂ ኣንስትዮ ብትምህርቲ፡ ብተክኖሎጂን ኣብ ዋኒን ብምስታፍን ንምሕያል ዝሰርሕ መርበብ እዩ። ብዛዕባዚ መሪማግደሊን መብርሂ ሂባትና ኣላ ኣብ ናይ ቃለ መሕትት መደብና ክቐርብ እዩ። ልኡኽና ዝሰደዶ ጸብጻብ ዛዕባ መራሕቲ ትግራይ ምስ መራሕቲ ኢትዮጵያ ፖለቲካዊ ዘተ ንምግባር ከም ዝተሰማምዑን። "ሓይሊታት ኣምሓራ እንከይወፁን ዝተመዛበለ ህዝቢ እንከይተመለሰን ሪፈረንደም ኣይካየድን" ከም ኡውን ኣብ ትግራይ ንዝተራእየ ጥምየት ሳዕቤኑ ከቢድ ክኸውን ከምዝኽእል ኣቶ ጌታቸው ረዳ ከም ዘጠንቀቐን ዝገልጽ ትሕዝቶ እዩ ክኸውን። ኣብ መደብ ምንባር ኣብ ኣውስትራሊያ፥ መምርሒ ኣብ ወቕቲ ሙቐት ድሕነትካን ዛሕሊኻን ምዕቃብ ዝብል ኣርእስትን ካልእ ትሕዝቶታትውን ቀሪብና ኣለና። ቀንዲ ነጥቢታት ዜና፡ ** ሰራዊት እስራኤል ፡ ማሕበረ-ሰብ ዓለም ነቶም ብሓማስ ተታሒዞም ዘለዉ ንምፍታሕ ፡ "ስጕምቲ ክወስድ" ተማሕጺኑ ። ** ኣብ ዝተፈላለዩ ከባቢታት ኢትዮጵያ ዕጡቓት 56 ሲቪላት ከም ዝተቐትሉ ገሊጹ። ** ጋንታ ኲዕሶ እግሪ Matildas ኣብ ቫንኮቨር ኣብዝተገብረ ብ ጋንታ ካናዳ 1 ብ0 ተሳዒራ።