ቀጥታ ምሉእ ትሕዝቶ ኤስ ቢ ኤስ ትግርኛ (22 ጥሪ 2024)

ን ሎሚ 22 ጥሪ 2024 ዘዳለናዮ ትሕዝቶ ቀሪብና ኣለና፡ ንሓደ ሰዓት ዝጸንሕ መደብና፥ ከፋልጠኩም። ልኡኽና ዝሰደደልና ጸብጻብ፡ ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና። ንኹሉ መደባትና ንምክትታል ምሳና ሃቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ኣብ እስራኤል ኣብቲ ኣንጻር መንግስቲ ቀዳማይ ሚኒስተር በንያሚን ናታንያሁ እተገብረ ሰልፊ ተቓውሞ ብኣሽሓት ዝቝጸሩ ሰባት ተኻፊሎም ። ናይ ሕቡራት መንግስታት ኣመሪካ ሪፓብሊካዊ ሕጹይ ተወዳዳሪን ናይ ፍሎሪዳ ኣመሓዳሪን ሮን ደሳንቲስ ካብ ዉድድር ምርጫ ወጺኡ። ቤት ምኽሪ ጸጥታ ሕብረት ኣፍሪካ ናብ ትግራይ ወሪዱ ምስ ተመዛበልቲ ተጋሩ ንምዝታይ መደብ ከምዝሓዘ ተሓቢሩ።