ኣርእስታት ዜና፡ ብምኽንያት ነቶም ካብ ዝተፈላለዩ ሃገራት ሃዲሞም ዝመጹ ኣስላም ዘይኮኑ ሰባት ዜግነት ዘውህብ ሓድሽ ሕጊ ህንዲ ናይ ተቓዉሞ ሰልፊታት ሳልስቲ ኣቑጺሩ። ኣብ ኣውስትራሊያ ሓደ ሰብ ካብ ኣርባዕተ መዐቀኒ መስተ ንላዕሊ ከይሰቲ ዘግብር፡ ፈደራል መንግስቲ ነቲ ዝጸንሐ መምርሒ አማሓይሹ። ብዛዕባ ሕቶ ዑቕባ ኣብ ኲንስላንድ ዝነብሩ ዝነበሩ ኣባላት ታሚላዊት ስድራቤት ዝምልከት ሕጋዊ መስርሕ ሎሚ ጀሚሩ። ኣብ ሰሜናዊ ምዕራብ ናይ ሲድኒ ብዝነድድ ዘሎ ባርዕ ጫካ ብዙሕ ህንጻታት ከምዝዓነወ ሰብ መዚ ገሊጾም። ናይ ቀደም ናይ ሱዳን ፕረሲደንት ብገበን ብልሽውና ተፈሪዱ፡ ኢትዮጵያ ካብ ምዝባዕ ማክሮ ኢኮኖሚ ንምድሓን ኤምኤፍ 2.9 ቢሊዮን ዶላር ክሕግዝ ምዃኑ ኣፍሊጡ።
Share
