ቦቢ ቻርልተን ዓሪፉ ማንቸስተር ዩናይትድ ዓወት ብምምዝጋብ ኣፋንያቶ፣ ኢትዮጵያውያን ኣብ ጉያ እግሪ መሮር 1-2 ተመራሪሐን ተዓዊተን፣ ኤርትራዊ ብደቂተባዕትዮ ካልኣይ ወጺኡ፣

ሰሙናዊ መደብ ስፖርት (23/10/2023) * ኢትዮጵያውያን ሊኪና ኣመባውን ለምለም ንብረትን ኣብ ጉያ እግሪ መሮር ኣብ ስፐይን ክዕወታ`ንከለዋ ኤርትራዊ መርሃዊ መብራህቱ ብደቂተባዕትዮ ካልኣይ ወጺኡ፣ * ኣብ መጻረዪ ግጥም ንኦሎምፒክስ ፓሪስ 2024 ምስ ናይጀርያ ትገጥም ሕርይቲ ጋንታ ኢትዮጵያ ዝርዝር ኣስማት ተጻወታ ዘርጊሓ፣ * ቀይሕ ካርድታትን ጌጋታት ሓለውቲ ልዳትን ኣብ ዝዓብለልዎም ግጥማት ፕሪምየር ሊግ ናይ`ዚ ሰሙን ሊቨርፑልን ማንቸስተር ሲቲን ዓወት ከመዝግባ`ንከለዋ ኣርሰናልን ቸልስን ማዕረ ወጺኤን፣ ዜና ዕረፍቲ ወዲ 86 ገዲም ተጻወታያ ቦቢ ቻርልተን ዝሰምዐት ማንቸስተር ዩናይትድ ከኣ ብዓወት ኣብ ልዕሊ ሸፊልድ ዩናይትድ መፋነዊ ገይራትሉ፣ * ኩነታት ፍልስጤምን እስራኤልን ኣብ ስፖርት ዓለም ዝፈጠሮ ስክፍታታትን ምስሕሓባትን ብኸመይ ይተሓዝ ኣሎ፣

Credit: SBS