ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio

آسٹریلیا میں مقیم پاکستانی پابندیوں کے دوران یوم آزادی کیسے منا رہی ہے؟

Pakistan flag Source: CCO

پاکستان کا یوم آزادی 14 اگست کو منایا جاتا ہے لیکن اس دفعہ آسٹریلیا میں کرونا کی پابندیوں کی وجہ سے یوم آزادی پر تقریبات اس طرح سے نہیں رکھی گئیں جیسے عموماؐ رکھی جاتی ہیں۔ اس دفعہ زیادہ تر تقریبات کو آن لائن یا ورچول طریقے سے منانے کا اہتمام کیا گیا ہے۔

پاکستان ویلفئیر آرگنائزیشن ان آسٹریلیا کے سید عباس نے ایس بی ایس سے بات کرتے ہوئے بتایا کہ انہوں نے وکٹوریا کے پارلیمان میں 3 اگست کو جشن آزادی کی ایک تقریب کا اہتمام کیا تھا۔ تقریب کے بارے میں مزید بتاتے ہوئے کہا کہ تقریب میں نو سے دس پارلیمنٹیرینز نے شرکت کی اور ہر پارٹی کی نمائندگی موجود رہی۔

کرونا کی پابندیوں کے بارے میں ذکر کرتے ہوئے ان کا کہنا تھا کہ اگرچہ اس دفعہ ویسی تقریبات کا انعقاد نہیں ہو پایا جیسے کرونا سے پہلے ہوتا آیا ہے لیکن اس کے باوجود تھوڑے وقت میں اور 14 اگست آنے سے پہلے ہی تقریب رکھ لی گئی اور جشن آزادی کو منایا گیا۔ ان کا مزید کہنا تھا کہ اس موقع پر کیک کاٹنے کی تقریب بھی رکھی گئی تھی۔

Pakistan flag on 14 Aug

پاکستان آسٹریلیا ایسوسی ایشن کی شفق جعفری کا کہناتھا کہ ان کی تقریبات اس دفعہ نیو ساوتھ ویلز میں لگنے والے لاک ڈاون کی وجہ سے آن لائن ہی ہو پائیں گی۔ ان کا کہنا تھا کہ 14 گست کے قریب آتے ہی ہر پاکستانی کو خواہش ہوتی ہے کہ وہ زور وشور سے پاکستان کا جشن آزادی منا سکیں لیکن اس دفعہ چونکہ حکومت کی جانب سے پابندیاں ہیں اس لیے تقریبات تو ممکن نہیں ہیں۔

دوسری جانب ان کا کہنا تھا کہ محرم الحرام کی وجہ سے دفعہ ویسے بھی تقریبات کو سادگی سے منانے کا ارادہ کیا گیا تھا لیکن اب تو زوم کے ذریعے ہی جشن آزادی منایا جائے گا اور اسے فیس بک کے ذریعے لوگوں تک لائیو دکھایا جائے گا۔

پاکستان کمیونٹی ان آسٹریلیا کے دانش نقاش کا کہنا تھا کہ اگرچہ وہ کوئینزلینڈ میں موجود ہیں لیکن کرونا کی بنتی بگڑتی صورت حال میں انہوں نے آن لائن گیم شو کا اہتمام کیا ہے۔ اس بارے میں مزید بتاتے ہوئے ان کا کہنا تھا کہ گیم شو کا مقصد لوگوں کو پاکستان کے بارے میں معلومات دینے اور نئی نسل میں پاکستان کے بارے شعور اجاگر کرنے کے لیے ہے۔ 

Pakistan flag cake
Supplied

دانش نے ایس بی ایس کو مزید بتایا کہ حالات اگر بہتر ہوتے اور کرونا کی پابندیاں نا ہوتیں تو ان تقریبات اور گیم شو کو ایک بڑی تقریب کی صورت میں کرنے کا ارادہ تھا لیکن اس وقت حالات کی وجہ سے اسے آن لائن کیا گیا ہے۔

وکٹورین پارلیمنٹری فرینڈز آف پاکستان کے رانا شاہد کا کہنا تھا کہ وکٹورین پارلیمنٹری فرینڈز آف پاکستان اور قونصلیٹ جنرل آف پاکستان کے زیر اہتمام وکٹوریا کی پارلیمان میں 17 اگست کو تقریبا کمیونٹی کے پچیس افراد کی موجودگی میں تقریب منائی جائے گی۔ انہوں نے مزید بتایا کہ کیک کاٹنے کے علاوہ وکٹورین پارلیمان میں پاکستانی کمیونٹی کے بارے میں ایک پریزنٹیشن بھی دی جائے گی۔



 

 

Coming up next

# TITLE RELEASED TIME MORE
آسٹریلیا میں مقیم پاکستانی پابندیوں کے دوران یوم آزادی کیسے منا رہی ہے؟ 10/08/2021 10:18 ...
SBS Urdu News 23 May 2022 23/05/2022 04:00 ...
Labor party ready to form the next Australian parliament after winning the 2022 election-Urdu News 22 May 2022 22/05/2022 10:30 ...
SBS Urdu News 20 May 2022 20/05/2022 04:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
Judges asking Australian politicians to push for a federal integrity commission-Urdu News 18 May 2022 18/05/2022 10:05 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
View More