ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio

برصغیر کے ملبوسات آسٹریلیا کی مقامی آبادی میں مقبول کیوں ؟

Source: supplied by Maheen Husain

دیدہ زیب رنگ اور خوبصورت ڈیزائن کے ساتھ قابل رسائی قیمتیں برصغیر کے ملبوسات کی آسٹریلیا میں شہرت کا باعث بن رہی ہیں۔ مقامی آبادی کے ساتھ دیگر قومیتیں بھی یہ ملبوسات خوشی سے پہن رہی ہیں۔

برصغیر پاک و ہند کے ملبوسات اپنے منفرد رنگوں اور خوبصورت ڈیزائن کے ساتھ اپنے ثقافتی انداز کے باعث ایک ایگ مقام رکھتے ہیں ۔ آسٹریلیا میں رہتے ہوئے بھی پاکستانی اور بھارتی افراد یہ ملبوسات زیب تن کرتے ہیں لیکن اب آسٹریلیا کی مقامی آبادی اور یہاں بسنے والے دوسرے تمدن کے افراد بھی برصغیر کے ملبوسات بہت ذوق ع شوق سے پہن رہے ہیں ۔

آسٹریلیا میں مقیم ماہین حسین جو دو سال سے ملبوسات کے کاروبار سے منسلک ہیں کہتی ہیں کہ ان کے زیادہ تر صارفین کا تعلق پاکستان یا ہندوستان سے نہیں بلکہ دیگر قومیتوں سے ہے ۔  ان کا کہنا ہے کہ آسٹریلیا کی مقامی آبادی اور ایب اوریجنلز بھی پاکستانی اور بھارتی ملبوسات خوشی سے خریدتے اور پہنتے ہیں - اس کے علاوہ یورپ ، چین ، افغانستان ، نیوزی لینڈ سممیت دنیا کی کئی ثقافتوں سے جڑے لوگ ماہین سے برصغیر کے یہ ملبوسات خرید کر پہننا پسند کرتے ہیں ۔ اس سلسلے میں ماہین کا یہ بھی کہنا ہے اپنی پسند اور ترجیحات کے اعتبار سے میرے صارفین لمبے گاؤنز ، شلوار قمیض یہاں تک کہ شرارے اور ساڑھیاں تک طلب کرتے ہیں

traditional pakistani dresses
supplied by Maheen Husain

ماہین کا کہنا ہے کہ پاکستان اور بھارتی ملبوسات کے نہ صرف دیدہ زیب اسٹائلز اور رنگوں کا بہترین امتزاج بلکہ کپڑے کی بہترین کوالٹی صارفین کو اپنی طرف کھنچتی ہے ۔ دوسری طرف وہ خواتین جنہوں نے پاکستانی یا بھارتی  افراد سے شادیاں کی ہیں وہ خود کو اس ثقافت سے جوڑنے کے لئے بھی یہ ملبوسات پہنتی ہیں ۔

بارہ سال قبل چین سے آسٹریلیا انے والی مونیکا بھی ماہین کے صارفین میں شامل ہیں ، جن کا کہنا ہے کہ بھارتی یا پاکستانی ملبوساتھ ان کو صرف اس وجہ سے پسند نہیں کہ ان کے رنگ یا ڈیزائنز اچھے ہیں بلکہ یہ ناپ کے اعتبار سے بھی بہت اچھے ہیں کیونکہ درزیوں سے سلوائے جانے کے باعث یہ ایک طرح سے "کسٹمائزڈ ملبوسات" بن جاتے ہیں ، جبکہ ان کی قیمت بھی قابل رسائی ہوتی ہے ۔

دوسری طرف افغانستان سے تعلق رکھنے والی آسٹریلیا میں مقیم فرزانہ کہتی ہیں کہ برصغیر پاک و ہند کے ملبوسات افغان تہذیب سے میل کھاتے ہیں اور انہیں اپنی ہی ثقافت کا حصہ لگتے ہیں ۔ ساتھ ہی فرزانہ کا یہ بھی کہنا ہے کہ یہ ملبوسات شائستہ ہیں جو مکمل طور پر جسم کو ڈھانپ کر "فیشن سینس " بھی برقرار رکھتے ہیں ۔

آسٹریلیا میں پیدا ہونے اور پلنے بڑھنے والی مہرین راعنا جن کے والدین تین دہائی قبل آسٹریلیا آ پسے تھے کہتی ہیں کہ یوں تو ان کا بچپن پاکستانی ملبوسات پہنتے ہی گزرا ہے لیکن اب وہ روز مرہ استعمال میں آسٹریلین ملبوسات ہی پہننا پسند کرتی ہیں ۔ تاہم تہواروں اور خصوصی مواقع پر ان کی پہلی ترجیح روایتی پاکستانی ملبوسات ہی ہیں ۔

ماہین حسین کا کہنا ہے کہ ملبوسات کے کاروبار سے منسلک ہونا انہیں دو طرح سے مطمئین رکھتا ہے ایک طرف انہیں فخر ہے کہ وہ آسٹریلیا میں رہتے ہوئے برصغیر پاک و ہند کی ثقافت کے فروغ کا باعث بن رہی ہیں دوسری طرف وہ  خوش ہیں کہ وطن سے دور ہونے کے باوجود پاکستان اور بھارت کے افراد اپنے رسم و رواج سے جڑے ہوئے ہیں اور اپنی جڑوں کو یاد رکھتے ہیں ۔  

Coming up next

# TITLE RELEASED TIME MORE
برصغیر کے ملبوسات آسٹریلیا کی مقامی آبادی میں مقبول کیوں ؟ 05/06/2021 09:50 ...
Labor party ready to form the next Australian parliament after winning the 2022 election-Urdu News 22 May 2022 22/05/2022 10:30 ...
SBS Urdu News 20 May 2022 20/05/2022 04:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
Judges asking Australian politicians to push for a federal integrity commission-Urdu News 18 May 2022 18/05/2022 10:05 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
پاکستانی کمیونیٹی آسٹریلیا کے وفاقی انتخابات کے بارے میں کیا سوچتی ہے؟ 17/05/2022 45:08 ...
View More