وائی فائی نیٹ ورک کا محفوظ ہونا بہت ضروری ہے ورنہ تو ہیکرز آپ کے سسٹم میں داخل ہو کر نہ صرف آپ کا ڈیٹا چوری کر سکتے ہیں بلکہ آپ کی اسمارٹ ڈیوائسز کے ذریعے آپ کے ذاتی معاملات تک بھی رسائی حاصل کر سکتے ہیں۔ یہ ایک سنگین صورتحال ہے، خاص طور پر ایسے گھروں میں جہاں بچے ٹیبز یا موبائلز پر مختلف گیمز اور ایپس استعمال کرتے ہیں۔ہیکرز اکثر جعلی گیمز اور لنکس کے ذریعے بچوں کی ڈیوائسز میں داخل ہوتے ہیں، اور چونکہ یہ ڈیوائسز وائی فائی سے جڑی ہوتی ہیں، اس لیے پورے نیٹ ورک کا کنٹرول بھی ان کے ہاتھ لگ سکتا ہے۔ اس طرح چور وائی فائی کے ذریعے آپ کے گھر کے سیکیورٹی سسٹم اورکیمروں تک رسائی حاصل کر سکتے ہیں۔
ہر صارف کو میک بائنڈگ جیسے سیکیورٹی فیچرز کا استعمال آنا چاہیے تاکہ وہ اپنی ڈیوائسیز کو مخصوص رسائی دے کر غیر مجاز افراد یا ہیکرز سے بچاؤ ممکن بنا سکے۔ یہ اقدامات عام صارفین کی سائبر سیکیورٹی کے تحفظ کے لیے بنیادی اہمیت رکھتے ہیں- والدین یا گھر کے بڑوں کو وائی فائی کی سیکیورٹی کو سنجیدگی سے لینا چائیے- ایک چھوٹی سی کوتاہی بہت بڑے نقصان کا باعث بن سکتی ہے۔ احتیاط ، آگاہی اور مناسب سیکورٹی اقدامات ہی آپ کو ڈیجیٹل خطرات سے محفوظ رکھ سکتے ہیں۔ سائبر سیکورٹی ایکسپرٹ محمد عمر زبیر کی معلوماتی گفتگو سنئیے اس پوڈ کاسٹ میں
_____
