گنجان آباد علاقے ، رش آورز میں کھلی مارکیٹس میں ٹریفک جام یا پھر تنگ گلیاں میں مریضوں کی مشکلات کو دیکھتے ہوئے ریسکیو ادارے 1122 نے منفرد سائیکل ایمبولینس سروس کا آغاز کر دیا ، اس سروس کے تحت سندھ کے بڑے شہروں کے پُرہجوم علاقوں میں سائیکل ایمبولینس کے زریعے مریضوں کو ابتدائی طبعی امداد فراہم کی جا سکے گی ۔ اس سروس کو شروع کرنے کا مقصد مریضوں کو بروقت طبعی امداد اور ایمبولینس کی کمی کو پورا کرنا ہے۔
پاکستان کے صوبہ سندھ میں پہلی مرتبہ ریسکیو 1122 کی جانب سے ’سائیکل ایمبولینس‘ متعارف کروا دی گئی جس کا مقصد تنگ گلیوں، شاپنگ ایریاز اور گنجان آباد علاقوں میں مریض کو بروقت فرسٹ ایڈ پہنچانا ہے جبکہ پاکستانی کی پہلی پروفیشنل باکسرعالیہ سومرو نے پہلےہی مقابلےمیں حریف باکسر کو 45 سیکنڈز میں ناک آؤٹ کر کے باکسنگ کی دنیا میں شاندار انٹری دے دی ہے
عالیہ سومرو پاکستانی کی پہلی پروفیشنل باکسر ہیں جنھوں نے پہلےہی مقابلے میں حریف باکسر کو ایک منٹ کے اندر زیر کیا ، عالیہ سومروکو تین بار قومی باکسنگ ٹیم میں منتخب کر کے ڈراپ کیا گیا جس کے بعد انھوں نے پروفیشنل باکسنگ کی دنیا میں اپنی قسمت آزمائی اور فاتحانہ آغاز کیا، عالیہ سومرو کے مطابق اب وہ بھارتی حریف کیخلاف مقابلے کی تیاری کر رہی ہیں
ایس بی ایس اردو کیلیے یہ رپورٹ پاکستان سے احسان خان کی پیش کی۔
