آسٹریلیا میں کرکٹ کا چہرہ بدل رہا ہے۔
صدی کے آغاز تک، یورپی آباد کاروں نے بنیادی طور پر آسٹریلوی کرکٹ پر حکومت اور نمائندگی کی۔
ورلڈ کپ جیتنے والے سابق ہندوستانی کپتان کپل دیو کو یاد ہے کہ 40 سال پہلے جب انہوں نے پہلی بار آسٹریلیا کا دورہ کیا تو آسٹریلوی ٹیم میں صرف سفید فام کھلاڑی تھے۔
"مجھے یاد ہے کہ اس وقت پاسکو آسٹریلیائی ٹیم میں واحد مہاجر تھا"، انہوں نے ٹیسٹ اور ایک روزہ بین الاقوامی کھلاڑی لین پاسکو کا حوالہ دیتے ہوئے کلرز آف کرکٹ کو بتایا۔
میں نے پچھلے 10 سال یا 15 سالوں میں اتنے سارے ہندوستانی، پاکستانی، سری لنکا کے کھلاڑی دیکھے ہیں۔ وہ باہر آتے ہیں اور آسٹریلیا کے لیے کھیلتے ہیں اور اس پر فخر محسوس کرتے ہیں... اگر آپ کے پاس اس ملک کا پاسپورٹ ہے، تو آپ اس ملک کے لیے کھیلنے کے مستحق ہیں۔کمیل دیو
گیڈون ہیڈن آسٹریلیا کے سب سے مستند کرکٹ صحافیوں اور مصنفین میں سے ایک ہیں جنہوں نے تقریباً چار دہائیوں تک اس کھیل کی کوریج کی ہے۔۔
وہ خود ایک کرکٹر رہ چکے ہیں، مسٹر ہیگ کلرز آف کرکٹ کو بتاتے ہیں کہ آج کل کسی بھی میٹروپولیٹن کرکٹ کلب میں تارکین وطن کھلاڑیوں کی شمولیت ایک عام بات ہے۔
وہ ساؤتھ ایشین کلب کرکٹرز کا حوالہ دیتے ہوئے کہتے ہیں : "جب ہفتہ اور اتوار کو کھیل کو زندہ رکھنے کی بات آتی ہے، تو اکثر آپ کے سب سے زیادہ قابل اعتماد کھلاڑی وہ ہوتے ہیں جو کسی نہ کسی طریقے سے کرکٹ کا جنون رکھتے ہیں،"
"یہ [کرکٹ] بڑے آسٹریلوی معاشرے میں ضم ہونے کا ایک طریقہ ہے، لہذا یہ ایک ایسی شمولیت ہے جس کی درست اہمیت کا اندازہ نہیں کیا جا رہا"
بہت سے پاکستانی اور دیگر جنوبی ایشیائی تارکین وطن کے لیے کرکٹ آسٹریلیا سے جڑنے کا ایک آسان طریقہ ہے۔ وہ کرکٹ کی پچ پر دوست اور خاندان تلاش کرتے ہیں۔
ویبھو دیشپانڈے ایسے ہی ایک مہاجر ہیں جو اب وکٹوریہ میں کلب سطح کی کرکٹ کھیلتے ہیں اور اپنے کلب کے کپتان ہیں۔
انہوں نے کہا کہ جب وہ پہلی بار بین الاقوامی طالب علم کے طور پر پہنچے تو آسٹریلیا میں ان کا کوئی خاندان نہیں تھا۔
ویبھو کو اس وقت خوشی ہوئی جب سینٹ بریگیڈ کے سینٹ لوئس کرکٹ کلب کے ایک ساتھی رکن نے اسے کرسمس لنچ پر مدعو کیا۔
اگر آپ نے پہلی قسط نہیں سنی تو سیریز کے آغاز پر واپس جائیں تاکہ اونچی سطح پر کرکٹ میں کم نمائندگی کے مسئلے کے بارے میں سنیں اور جنوبی ایشیائی کھلاڑیوں کی مدد کے لیے کون سے راستے دستیاب ہیں جو آسٹریلوی کرکٹ کی صفوں میں آگے بڑھنے کے خواہاں ہیں۔ کرکٹ کے رنگ کے بارے میں مزید جانئے
میزبان: پریتی جبل اور کلسیگرم سنچائن
لیڈ پروڈیوسر: ڈیجو سیواداس
پروڈیوسر: ساحل مکڑ، وتسل پٹیل، ابھاس پاراجولی
صوتی ڈیزائن: میکس گوسفورڈ
پروگرام مینیجر: منپریت کور سنگھ
مشیر: پیٹرک سکین
کلرز آف کرکٹ ایس بی ایس ریڈیو کے جنوبی ایشیائی زبان کے پروگراموں کا ایک باہمی تعاون پر مبنی منصوبہ ہے۔ جس میں ایس بی ایس ارد، ایس بی ایس بنگلہ، ایس بی ایس گجراتی، ایس بی ایس ہندی، ایس بی ایس ملیالم، ایس بی ایس نیپالی، ایس بی ایس پنجابی، ایس بی ایس سنہالا، ایس بی ایس تمل شامل ہیں۔
________________________________________________________________
کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں۔ی یا ہمیں فیس بک پر فالو کریں۔
اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
اردو پرگرام سننے کے طریقے
پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے
