پرتھ میں "سوئم فار ریفیجیز" کے نام سے ایک منفرد پروگرام جاری ہے جو خاص طور پر آسٹریلیا آنے والے مہاجرین اور پناہ گزینوں کے لیے ترتیب دیا گیا ہے۔ اس پروگرام کے تحت رضاکاروں کی مدد سے مفت تیراکی کی تربیت فراہم کی جاتی ہے تاکہ نئے آنے والے افراد نہ صرف ایک اہم مہارت سیکھ سکیں بلکہ اپنی جسمانی اور ذہنی صحت کو بھی بہتر بنا سکیں۔
پروگرام کی کمیونٹی کوآرڈینیٹر ردا ملک کے مطابق، خواتین کے لیے علیحدہ، محفوظ اور مکمل طور پر نجی سیشنز منعقد کیے جاتے ہیں جہاں انہیں ان کی ثقافتی اور روایتی ضروریات کے مطابق تیراکی سکھائی جاتی ہے۔ اس اقدام کا مقصد خواتین کو ایک ایسا ماحول فراہم کرنا ہے جہاں وہ خود کو پُراعتماد محسوس کرتے ہوئے آزادانہ طور پر حصہ لے سکیں۔
افغان نژاد صائمہ رحمانی ان مہاجر خواتین میں سے ایک ہیں جنہوں نے آسٹریلیا آنے کے بعد اس پروگرام کے ذریعے تیراکی سیکھی۔ وہ کہتی ہیں کہ یہ تجربہ نہ صرف ان کے لیے خوشگوار تھا بلکہ ایک نئی زندگی کے آغاز میں مددگار بھی ثابت ہوا۔ ان کے مطابق یہ پروگرام خواتین کے لیے بے حد کارآمد اور بااختیار بنانے والا موقع ہے۔
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
