زی گلوبل کی ویب ڈرامہ سیریز "ایک جھوٹی لو اسٹوری" پاکستانی فنکاروں کو عالمی اسٹیج پر لے جا رہی ہے۔اس ڈرامے کو معروف مصنفہ عمیرہ احمد نے تحریر کیا ہے جبکہ معروف ہدایت کارہ مہرین جبار نے ڈرامے کی ہدایت کاری دی ہے۔ اس ڈرامے میں سلمیٰ کا مرکزی کردار ادا کرنے والی مدیحہ امام کا کہنا ہے کہ عمیرہ احمد اور مہرین جبار کا نام دیکھ کر انہیں اس ڈرامے میں کام کرنے کی آفر قبول کرنے میں ہچکچاہٹ نہیں ہوئی۔
نوجوان اداکار بلال عباس اس ڈرامے میں مرکزی کردار ادا کر رہے ہیں۔ ان کا کہنا تھا کہ خود انہوں نے ٹھیٹر سے کام شروع کیا اس لئے وہ ٹھیٹر سے ویب اسٹریمنگ کے سفر کو اداکاری سیکھنے کا بہترین تجربہ سمجھتے ہیں۔
ویب اسٹریمنگ پلیٹ فارم پاکستانی فنکاروں کے لئے نئے مواقع فراہم کر رہا ہے اور تمام فنکار اس کے بارے میں پرُ جوش ہیں
مدیحہ کہتی ہیں کہ زی ۵ گلوبل پرریلیزپر ہونے والی سیریز"۔ایک جھوٹی لو اسٹوری" ایک ہلکا پھلکا خاندانی ڈرامہ ہے۔ مدیحہ امام کہتی ہیں کہ مہرین جبار ایک مکمل پروفیشنیل ہدایت کارہ ہونے کے ساتھ ٹیم کو ساتھ لے کر چلتی ہیں۔ انہوں نے بتایا کہ شوٹنگ کے دوران بے ساختہ جملے اور پینچ لائینز ہہم سب کو ہنسنے پر مجبور کر دیتے تھے اور اسی لئے ان کے ری ٹیک پر ساتھی فنکارمذاق میں ان کی کھنچائی بھی کرتے تھے۔
اس ڈرامے کی کاسٹ میں بلال عباس خان ، مدیحہ امام ، کنزہ رزاق ، کرن حق ، بیئو ظفر اور محمد احمد شامل ہیں۔
ایک جھوٹی لو اسٹوری" سلمیٰ اور سہیل کی کہانی ہے جو دونوں ایک مثالی ساتھی اور سچی خوشی کی تلاش میں ہیں۔ یہ سیریل ایک ہلکا پھلکا تفریحی کامیڈی ہونے کے ساتھ ہمارے معاشرے کی سچائیوں کی عکاسی کرتا ہے۔۔ مدیحہ کہتی ہیں کہ حقیقت سے قریب ہونا ہی اس جھوٹی کہانی کو سچ سے قریب لاتا ہے۔ کہانی زندگی کی سادگیوں ، روزمرہ کے گھریلو اور خاندانی رشتوں کی عکاسی کرتی ہے۔
بلال عباس کہتے ہیں کہ میں ہمیشہ اسکرپٹ اور کردار پر توجہ دیتا ہوں اور جب زی ۵ کی طرف سے یہ اسکرپٹ آیا تو میں نے ایک ہی رات میں اسے پڑھ کر اس میں کام کرنے کا فیصلہ کر لیا ویسے بھی میں ہمیشہ عمیرہ احمد اور مہرین جبار کے ساتھ کام کرنا چاہتا تھا۔
ویب سیریز کا پریمیئر 30 اکتوبر کو عالمی سطح پر زندگی (زی 5 ) پر ہوا ۔
فیچر کا پوڈکاسٹ اور اداکاروں کی مکمل بات چیت سننے کے لئےسب سے اوپر دئے اسپیکر لنک پر کلک کیجئے۔
