ایس بی ایس کے 50 سال مکمل ہونے پر مصنف اور ادیب طارق محمود مرزا نے ایس بی ایس کو آسٹریلین ملٹی کلچرل کی پہچان قرار دیا۔ ان کا کہنا تھا کہ گزشتہ پچاس برسوں کے سفر میں اردو سمیت ساٹھ سے زائد زبانوں میں قابلِ بھروسہ اور مستند معلومات فراہم کرنے والا آسٹریلیا کا واحد قومی نشریاتی ادارہ ہے جو اب ڈیجیٹل اور سوشل پلیٹ فارمز پر بھی بے حد مقبول ہوچکا ہے۔
طارق مرزا کے مطابق ایس بی ایس اردو کی خبریں، تبصرے اور تجزئے ابتدائی دنوں سے ہی سامعین میں مقبول رہے ہیں۔ ریڈیو تھون ہو یا اہم کمینویٹی فیسٹیولز سےبراہ راست نشریات یہ سب ایس بی ایس کی تاریخی نشریات کا حصہ رہے ہیں۔
ان کا کہنا تھا کہ اب فیس بک پر لائیو اسٹریم سے براہ راست ویڈیو نشریات اور انسٹاگرام کی ریلز اور یو ٹیوب کے پوڈ کاسٹ، یہ سب آسٹریلیا بھر میں ایس بی ایس کی ڈیجیٹل اور سوشل پہچان بن چکے ہیں۔
مزید جانئے
آسٹریلیا میں اردو شعر و ادب کے پچاس سال
انہوں نے کہا کہ تارکینِ وطن کی کامیابوں، ان کے مسائیل اور ضروریات کو اجاگر کرنے کی سنجیدہ کوشش ایس بی ایس کی نصف صدی کی خدمات کا نمایاں پہلو ہے۔
انہوں نے کہا کہ آج ایس بی ایس صرف خبروں کی ترسیل تک محدود نہیں بلکہ یہ قومی نشریاتی ادارہ ملٹی کلچرل کمیونیٹیز کو ان کی زبان اور ثقافت سے جوڑنے میں بھی اہم کردار ادا کر رہا ہے۔
________
جانئے کس طرح ایس بی ایس اردو کے مرکزی صفحے کو بُک مارک
