نیو ساؤتھ ویلز میں اس وقت 48,000 سے زیادہ لوگوں کا رابطہ سیلاب کے باعث منقطع ہے۔ وانواتو اور آسٹریلیا کے مابین ایک نئے دوطرفہ معاہدے پر بات چیت جاری ہے۔ دو دن کے تعطل کے بعد، سڈنی ٹرینوں کا معمول کا ٹائم ٹیبل دوبارہ شروع ہو گیا ہے۔
وزیر اعظم انتھونی البانیزی نے نیو ساؤتھ ویلز میں سیلاب کے نتیجے میں ہلاک ہونے والے شخص کے لیے تعزیت کا اظہار کیا ہے۔
نیو ساؤتھ ویلز پولیس کا کہنا ہے کہ 63 سالہ شخص کی لاش بدھ کی سہ پہر تین بجے کے قریب مڈ نارتھ کوسٹ پر تاری کے قریب نارتھ موٹو روڈ، موٹو پر ایک پراپرٹی میں پائی گئی۔
نیو ساؤتھ ویلز کے پریمیئر، کرس منز کا کہنا ہے کہ ریاست کے وسط شمالی ساحل پر سیلاب سے متاثرہ کمیونٹیز کے لیے مزید وسائل فراہم کیے جا رہے ہیں۔
پریمیئر کا کہنا ہے کہ متاثرہ افراد کی مدد کے لیے تمام آپشنز پر غور کیا جا رہا ہے۔
وانواتو کے وزیر اعظم، جوتھم ناپاٹ کا کہنا ہے کہ ایک نئے دوطرفہ معاہدے کو تشکیل دینے پر ان کی آسٹریلیا کے وزیر خارجہ کے ساتھ نتیجہ خیز ملاقات ہوئی ہے۔
ان کا کہنا ہے کہ معاہدے کو ابھی حتمی شکل دی جائے گی، لیکن اس میں کئی شعبوں کا احاطہ کیا جائے گا۔
________
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے“SBS Audio” کے نام سےموجود ہماری موبائیل ایپ ایپیل (آئی فون) یا اینڈرائیڈ , ڈیوائیسزپرانسٹال کیجئے۔ پوڈکاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم کا انتخاب کیجئے
شئیر
