آسٹریلیا میں اردو سے جڑنے کی کہانی: ماں اور آسٹریلیا میں پیدا ہونے والی بیٹی کا سفر

آسٹریلیا میں پیدا ہونے والی نئی نسل کے لیے اپنی مادری زبان اور ثقافتی جڑوں سے جڑے رہنا ایک چیلنج بھی ہے اور ایک خوبصورت سفر بھی۔ آج کے اس خصوصی پوڈکاسٹ میں ہم آپ کو ملوا رہے ہیں ایک ایسی ماں اور بیٹی سے جنہوں نے اس سفر کو نہ صرف ممکن بنایا بلکہ اسے ایک خوشگوار روایت میں بدل دیا ہے۔

Huma Shami and her daughter Aroush Ahmad Credit: Huma Shami

ہمارے ساتھ ہیں آروش احمد، جو آسٹریلیا میں پیدا ہوئیں، لیکن ان کی اردو زبان پر گرفت آپ کو حیران کر دے گی—اور ان کی والدہ حُما شامی، جنہوں نے گھر کے ماحول کو اس انداز سے پروان چڑھایا کہ زبان صرف بولی ہی نہیں گئی بلکہ محسوس بھی کی گئی۔

یہ ماں بیٹی مل کر اردو کہانیاں پڑھتی ہیں، روزمرہ گفتگو میں اردو کو زندہ رکھتی ہیں، اور حال ہی میں اپنے پہلے دورۂ پاکستان کے دوران آروش نے جس روانی سے اردو بولی، اس نے سب کو متاثر کر دیا۔

آج ہم جانیں گے کہ یہ سب کیسے ممکن ہوا؟ گھر کے چھوٹے چھوٹے معمولات کیسے ایک بڑی شناخت کی بنیاد بن سکتے ہیں؟ اور وہ کون سی عملی سرگرمیاں ہیں جو بیرونِ ملک پلنے والے بچوں کو اپنی زبان اور ثقافت سے جوڑے رکھ سکتی ہیں۔

_______________

جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے