وزیر اعظم انتھونی البانیزی کا کہنا ہے کہ یہ اجلاس کل [جمعرات 19 مارچ]] تسمانیہ میں منعقد ہوگا، کیونکہ کچھ ریجنل علاقوں میں ایندھن کی قلت جبکہ قیمت میں اضافے کے خدشات ہیں۔
وزیر ٹرانسپورٹ کیتھرین کنگ بھی آج [بدھ 18 مارچ]] ایندھن کی سیکیورٹی کے حوالے سے ٹرانسپورٹ انڈسٹری کے اسٹیک ہولڈرز کے ساتھ ایک علیحدہ آن لائن میٹنگ کر رہی ہیں۔
وزیر اعظم نے آسٹریلین آٹوموٹیو ڈیلرز ایسوسی ایشن کے ناشتے میں حاضرین سے کہا کہ آسٹریلیا مشرق وسطیٰ میں جنگ کے نتیجے میں جاری معاشی اثرات کی توقع کر سکتا ہے - لیکن حکومت پہلے ہی آسٹریلین ڈرائیوروں کے لیے تیل کی بڑھتی قیمتوں سے لگننے والے جھٹکے کے اثرات کوکم کرنے کے اقدامات کر رہی ہے۔
ڈونلڈ ٹرمپ نے اپنی سوشل میڈیا پوسٹ میں آسٹریلیا کا ذکر کیا ہے جس میں انہوں نے امریکی اتحادیوں کو مشرق وسطیٰ کی جنگ میں شامل ہونے سے ہچکچاہٹ پر تنقید کی ہے۔
امریکی صدر نے اپنے سوشل میڈیا پلیٹ فارم، ٹروتھ سوشل پر پوسٹ میں نیٹو ممالک اور آسٹریلیا کی جانب سے آبنائے ہرمز کے اہم آبی راستے کو کھولنے میں مدد کے لیے جہاز بھیجنے سے انکار پر سخت تنقید کی۔
مزید جانئے
مختصر خبریں : منگل 17 مارچ 2026
