آسٹریلین میری ٹائم سیفٹی اتھارٹی ( Australian Maritime Safety Authority) کے منیجر آپریشنز (نارتھ) جسٹن ولیمز کے مطابق موسمِ گرما میں غیر قانونی چارٹر کشتیوں میں اضافہ سوشل میڈیا پر سستی تشہیر، زیادہ مانگ اور عوامی آگاہی کی کمی کے باعث ہوا ہے۔ ان کا کہنا ہے کہ بغیر اجازت اور حفاظتی تقاضے پورے کیے بغیر چلنے والی کشتیاں مسافروں اور عملے دونوں کے لیے سنگین خطرہ بن سکتی ہیں۔
“بغیر اجازت اور حفاظتی تقاضے پورے کیے کشتیاں کرائے پر دینا ایک بڑا خطرہ ہے۔”
Australian Maritime Safety Authority
کے ترجمان نے کہا کہ مسافروں کو سفر سے پہلے کشتی کی رجسٹریشن اور سرٹیفکیشن کی تصدیق ضرور کرنی چاہیے اور صرف منظور شدہ آپریٹرز کا انتخاب کرنا چاہیے۔ جسٹن ولیمز کے مطابق غیر قانونی طور پر کشتیاں کرائے پر دینے والے مالکان کو سخت جرمانوں اور قانونی کارروائی کا سامنا کرنا پڑ سکتا ہے۔
“ہم عوام پر زور دیتے ہیں کہ وہ اپنی اور اپنے اہلِ خانہ کی حفاظت کے لیے صرف رجسٹرڈ اور منظور شدہ آپریٹرز کے ساتھ ہی بکنگ کریں۔”
___________________________
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے
