فیصل چغتائی سڈنی میں رومنگ آرٹسٹ اور ہئیر اسٹائیلسٹ کے طور پر کام کررہے ہیں اور کھیلوں اور شو بز کی مشہور سیلیبریٹیز ان کے صارفین میں شامل ہیں۔
ہئیرڈریسر اور گرومنگ آرٹسٹ فیصل چغتائی کہتے ہیں کہ تربیت یافتہ ہئر اسٹائیلسٹ کی بڑھتی مانگ ، مردوں کی گرومنگ کے مراکز پر بڑھتے ہجوم,اس شعبے میں اچھی آمدنی اور بالوں کی دیکھ بھال پر آگاہی . ان تمام عوامل کے باعث اب حجام اور نائی سمجھنے کا طقیانوسی تصور ختم ہو رہا ہے۔
فیصل کے مطابق اس وقت کئی نئے ہئر اسٹائل نوجوانوں میں مقبول ہیں۔وہ کہتے ہیں کہ چہرے کی ساخت اور روزمرہ مصروفیات کو مدنظر رکھ کر اسٹائل چننا سب سے اہم ہے۔مگر کچھ صارف اپنے چہرے کے فیچرز سے غیر مطابقت والے بالوں کے اسٹائل بنوانے پر مُصر ہوتے ہیں جن کو قائل کرنا ایک چیلنج ہو تا ہے۔
اس پوڈ کاسٹ کی ویڈیو ہمارے یو ٹیوب چینل پر بھی دیکھی جاسکتی ہے۔
فیصل بتاتے ہیں کہ آسٹریلین اور جنوبی ایشیائی سیلیبریٹیز، نوجوانوں کے بالوں کے فیشن پر گہرا اثر ڈال رہے ہیں۔ ان کے مطابق سوشل میڈیا ٹرینڈز بھی ہیئر اسٹائل کے انتخاب کو تیزی سے بدل رہے ہیں۔ف یصل چغتائی مشورہ دیتے ہیں کہ بالوں کی صحت کے لیے باقاعدہ صفائی، مناسب پراڈکٹس اور ہیٹ اسٹائلنگ سے احتیاط ضروری ہے۔ وہ کہتے ہیں کہ جدید فیشن اور ثقافتی شناخت کا توازن ہی نوجوانوں کے اسٹائل کو منفرد بناتا ہے۔
اس پوڈ کاسٹ میں بالوں کی حفاظت پر عام معلومات فراہم کی گئی ہے، انفرادی اور مخصوص مشاورت کے لئے اپنے ماہر پروفیشنل سے رابطہ کیجئے۔
