آسٹریلیا میں امیگریشن پالیسی پر سیاسی اختلافات شدت اختیار کر گئے ہیں، جہاں حکومت نے اپوزیشن کی تجاویز کو عملی طور پر ناقابلِ عمل قرار دیا ہے۔ آسٹریلیا کی وزیر برائے ملٹی کلچرل ازم و اسمال بزنس اینی ایلی کی اپوزیشن کی امیگریشن پالیسی پر سخت تنقید، اینی ایلی نے اپوزیشن لیڈر اینگس ٹیلر کی پالیسی پر تنقید کرتے ہوئے کہا ہے کہ اس سے ملک کو درکار اہم افرادی قوت کی فراہمی متاثر ہو سکتی ہے۔
انہوں نے مزید کہا کہ اگر امیگریشن کو محدود کیا جاتا ہے تو آسٹریلیا میں پہلے سے موجود افرادی قوت کی کمی کو کیسے پورا کیا جائے گا-حکومتی وزیر نے کہا ، کیا اپوزیشن یہ نہیں چاہتی کہ پروفیشنل افراد آسٹریلیا آئیں؟ اگر انہیں روکا گیا تو ہمارا نظام کیسے چلے گا؟ ان کے مطابق، امیگریشن میں سختی نہ صرف صحت کے شعبے بلکہ دیگر اہم سروسز کو بھی متاثر کر سکتی ہے، جس سے عام شہریوں کو مشکلات کا سامنا کرنا پڑے گا۔
